(Казан, 10 август, «Татар-информ»). Түбән Каманың 92нче «Ладушки» балалар бакчасы җитәкчесе Ландыш Софина үз учреждениеләре турында сөйләде. Хәзер биредә квалификация күтәрү буенча республика курслары мәйданчыгы һәм педагогия көллияте студентлары өчен практика үтү базасы барлыкка килгән. Җитәкче фикеренчә, заманча уңышлы балалар бакчасының төп эше — матди-техник шартлардан тыш, кадрлар потенциалына ярдәм итү һәм аны үстерү, учреждениенең өстенлекле юнәлешләрен сайлау, бу юнәлешләрдә заманча педагогик технологияләрне эзләү һәм тормышка ашыру ул. Бу турыда Түбән Кама муниципаль районы рәсми сайты нда хәбәр ителә. «Командабыз эшен оештыруда төп механизм булып, бакча ачылуның икенче елында ук „Ел тәрбиячесе“ бөтенроссия конкурсы муниципаль этабының төп мәйданчыгы булуыбыз тора. Конкурс мәйданчыгы буларак, катнашучыларны әзерләү үзәгендә торганга, без үзебез дә бик яхшы нәтиҗәләргә ирештек. Дүрт педагог соңгы 6 елда конкурсның зона этабына чыкты», — ди Ландыш Софина. Педагогның проекты буенча, балалар бакчада тормыш кагыйдәләрен уйлап табарга һәм үтәргә тиеш. Шул рәвешчә, безнең балалар психолог белән бер атна дәвамында «Кунакка ничек барырга һәм кунакларны үзеңә ничек чакырырга» дигән кагыйдәләр язылган карточкалар ясаган. Бу кагыйдәләр балаларга клуб һәм волонтерлык сәгате кысаларында башка төркемнәргә ирекле йөрергә мөмкинлек биргән. Шулай ук балалар бакчасы «Брейн-ринг» интеллектуаль уенын популярлаштырган. Башта учреждениедә генә үткәрелгән уен хәзер шәһәр күләмендә уза башлаган, анда ел саен иллегә якын команда катнаша.
