(Казан, 9 август, «Татар-информ»). Россия туристлары белән алты елга якын вакытта беренче туры авиарейс бъген Мисырның Шарм-эш-Шейх курорты аэропортына төште.
РИА Новости хәбәр иткәнчә, «Шереметьево» Мәскәү аэропортыннан очып киткән FV5633 рейсының «Россия» авиакомпаниясе Boeing 747 самолеты Шарм-эш-Шәех шәһәренә 15.08 сәгатьтә (Мәскәү сәгате белән16.08) төште.
Самолетны тантаналы рәвештә су аркасы фонтаннары белән каршы алдылар, туристлар өчен сый һәм зур булмаган концерт әзерләнгән иде. Элегрәк Хургадага Мәскәүдән беренче ике рейс ясаганнар иде.
Туристлар туристик визаны аэропортта 25 долларга сатып ала, шулай ук 30 долларга ПЦР-тест тапшыра ала. Виза 15 көннән артык вакытка килгән яки туристлар Мисырның башка провинцияләрендә истәлекле урыннарда булырга теләгән очракта кирәк булачак.
Мисырның EgyptAir авиакомпаниясе курортлар һәм Мәскәү арасында үз рейсларын җибәрә, әмма Шарм-эш-Шейхта беренче рейс гамәлдән чыгарылды. Атна саен ике курортка Россиядән биш рейс гамәлгә ашырылачак. EgyptAir Шарм-эш-Шейхка дүрт рейс һәм Хургадада өч рейс планлаштыра.
