(Казан, 9 август, «Татар-информ», Павел Климчак). 9 августта Түбән Камада булган низагтан соң (анда утлы корал кулланганнар) сәламәтлеккә җиңелчә зыян китергән өчен җинаять эше кузгатылды. Шунысын да искәртик: атыш вакытында 17 яшьлек үсмернең муены яраланган. Аны Пермь краенда балалар бакчасыннан качканнан соң федераль эзләүгә биргәннәр. Моннан тыш, низагта катнашучыларның барысына да төнлә тынлыкны бозган өчен административ эш кузгатылган. Травматик пистолеттан ут ачкан ир-атка рөхсәт ителмәгән урында утлы корал кулланган өчен беркетмә төзелгән. Бу хакта «Татар-информ» агентлыгына ТР буенча Эчке эшләр министрлыгының матбугат хезмәтеннән хәбәр иттеләр.
