(Казан, 9 август, «Татар-информ»). 21 һәм 22 августта Казан үзәгендә триатлон һәм свиран буенча ярышлар узачак. Оештыручылар хәбәр итүләренчә, ярышларда Россиянең 50 шәһәреннән 800 кеше катнашыр дип көтелә. Профессиональ һәм һәвәскәр спортчылар Кабан күлендә йөзәчәк, шәһәрнең үзәк урамнары буйлап велосипедларда узачак һәм дистанцияне Кабан күле һәм Иске Татар бистәсе буйлап йөгерү этабы белән төгәлләячәкләр. Триатлонда катнашу өчен аларга классик дистанцияләр — sprint һәм olympic билгеләнде. Ике дистанциядә дә индивидуаль һәм команда зачетлары каралган, дип хәбәр итә ТР Спорт министрлыгы. Ярышның үзенчәлеге шунда ки, йөгереш һәм йөзү этаплары арасында транзит зонасы юк, димәк, амуниция дә юк — катнашучы бөтен дистанциягә бер алыштыргысыз экипировка комплектына ия булырга тиеш. Оештыручылар старт көнне күлдә су температурасын үлчи. Ул 16 градустан түбән булган очракта, катнашучылар гидрокостюмнарда булырга тиеш булачак. Әгәр температура 22 градустан югарырак булса — гидрокостюмнар тыела. Катнашу өчен теркәлергә һәм расписание, ярышлар үзенчәлекләре һәм форматы турында барлык актуаль мәгълүматны TIMERMAN спорт чаралары сериясенең рәсми сайтында алырга мөмкин.
