(Казан, 8 июнь, «Татар-информ»). Ленинград өлкәсенең Тосно районында Сабан туе 13 июньдә була.
Татарстанның Санкт-Петербург һәм Ленинград өлкәсендәге Даими вәкиллеге матбугат хезмәте хәбәр иткәнчә, узган еллардагы кебек үк, кунакларны һәм Сабантуйда катнашучыларны зур мәдәни - күңел ачу һәм уен программасы көтә.
Анда татар, башкорт һәм рус җырлары яңгыраячак, милли биюләр башкарыла. Гадәттәгечә, спорт мәйданчыгында спорт уеннары һәм билбаулы көрәш үткәрелә.