(Казан, 28 апрель, «Татар-информ»). Татарстан Президенты Рөстәм Миңнеханов Россия һәм Беларусь Премьер-министрлары катнашындагы сөйләшүләрдә катнаша. Бу турыда ТР Президенты матбугат хезмәте җитәкчесе Лилия Галимова хәбәр итә.
Очрашуда Михаил Мишустин коронавирус пандемиясе аркасында кертелгән чикләүләрдән соң турыдан-туры авиаочыш җайга салынганын әйтте. Аның сүзләренчә, бүген Беларусьтан Татарстанга беренче рейс ясалды.
Беларусь Премьер-министры Казанда кабул иткән өчен рәхмәт әйтте.
«Бүген бөтен Белоруссия делегациясе Татарстанга килү мөмкинлегенә ия булды, ул безнең төп партнерларыбызның берсе», — диде Роман Головченко.
Россия һәм Белоруссия Премьер-министрлары Татарстанга Евразия хөкүмәтара советы чараларында катнашу өчен килде.
