(Әлки, 18 декабрь, «Татар-информ», « Әлки хәбәрләре »). Әлки районының «Алинә» универсаль спорт залында 2003-2007 елгы егетләр арасында баскетбол буенча район турниры узды. Нәби Дәүли исемендәге гимназия укучылары иң яхшылар дип табылды. Бу турыда район басмасы хәбәр итә. Ярышларда 6 команда катнашты. Базарлы Матак урта мәктәбе баскетболчылары көмеш медаль яулады. Мактаулы өченче урынны Иске Матак урта мәктәбе укучылары алды. Ярыш нәтиҗәләре буенча иң яхшы уенчыларны билгеләделәр. Алар — Илназ Хәмидуллин, Айрат Усманов һәм Артем Тукмаков.