Исерек килеш машина йөртү аркасында өч автомобиль бәрелешкән, бер шофер хастаханәдә
(Казан, 21 сентябрь, «Татар-информ», Екатерина Пронина). Чаллы янындагы трассада исерек килеш машина йөртү аркасында өч автомобиль бәрелешкән, шоферларның берсе хастаханәдә. Бу хакта «Татар-информ»га Автошәһәрдәге үз хәбәрчесе сөйләде.
Узган шимбәдә кич сәгать тугызынчыда «Чаллы — Зәй — Әлмәт» юлында транспорт һәлакәте булган. «Хендэ Солярис» руле артында утырган 34 яшьлек ир-ат исерек була һәм алда баручы «Лексус»ка кадәр булган дистанциягә игътибар итми. Автомобильләр бәрелешә.
«Инерция буенча машина каршы як полосага ыргытыла һәм анда каршы килүче „Хендэ Солярис“ маркалы автомобиль белән бәрелешә», — дип сөйләде «Татар-информ»га ТР Тукай районы буенча Эчке эшләр министрлыгының ЮХИДИ бүлеге башлыгы Шамил Ганиев.
Йөртүчеләрнең өчесе дә иминлек каешларын эләктергән булган, тик «Лексус» руле артында утырган 53 яшьлек ир-ат җәрәхәт алган. Табиблар аның башы җәрәхәтләнүен һәм умыртка баганасы сынуын әйткән.
«Лексус» шоферын Чаллы ашыгыч медицина ярдәме хастаханәсенә алып киткәннәр.