(Казан, 8 сентябрь, «Татар-информ»). Иртәгә Татарстанда җылы һәм яңгырлы һава торышы көтелә. Бу хакта ТР Гидрометеорология үзәге матбугат хезмәте хәбәр итә. «Аязучан болытлы һава торышы көтелә. Төнлә урыны белән бераз яңгыр явачак. Иртән һәм көндез яңгыр, урыны белән көчле яңгыр фаразлана», - диелә матбугат хезмәте хәбәрендә. Төнлә температура 6-11 градус, республиканың көнбатыш районнарында 16 градуска кадәр җылы булачак. Көндез һава 16-21 градус, Татарстанның көнчыгыш районнарында 25 градуска кадәр җылыначак. Элегрәк «Татар-информ» синоптикларның 9 сентябрьдә Татарстан территориясендә боз һәм көчле җил фаразлавы турында хәбәр иткән иде.
