(Казан, 13 август, «Татар-информ»). 12 августка Татарстанның 531 мәктәбе яңа уку елына янгын куркынычсызлыгы торышы тикшерүен узды, бу гомуми санның 40 процентын тәшкил итә. 74 белем бирү учреждениесендә тәртип бозулар ачыкланган. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәте хәбәр итә. «12 августка 531 мәктәп кабул ителгән. Тикшерү нәтиҗәсендә күзәтчелек эшчәнлеге органнары күрсәтмәләре буенча үтәүгә 1407 чара тәкъдим ителгән, шуларның 745е бетерелгән (53 процент)», – дип сөйләделәр матбугат хезмәтендә. Янгын чыккан очракта кешеләрне эвакуацияләү белән идарә итү һәм хәбәр итү системасының төзек булмавы яисә автомат янгын сигнализациясе системасы булмау, шулай ук эвакуация юлларының канәгатьләнмәслек торышы һәм беренчел янгын сүндерү чаралары җитмәү очраклары аеруча еш күзәтелгән. Янгын куркынычсызлыгы таләпләрен бозган өчен 272 вазифаи һәм 14 юридик зат административ җаваплылыкка тартылган. Мәктәпләрне яңа уку елына әзерләү өчен республиканың барлык муниципаль районнарында ведомствоара комиссияләр булдырылган, алар белем бирү учреждениеләрен тикшерү белән шөгыльләнә. Элегрәк «Татар-информ» мәгълүмат агентлыгы 2020 елда коронавирус пандемиясе аркасында мәктәпләрнең эше ничек үзгәрәчәген хәбәр иткән иде.
