(Казан, 15 июль, «Татар-информ»). Татарстанда XXV балалар, үсмерләр, яшьләр өчен тәгаенләнгән «Алтын каләм — Золотое перо» матбугат фестивалендә катнашырга гаризалар кабул итү башланды. Гаризалар 2020 елның 20 июленә кадәр кабул ителә. Бу хакта Татарстан Республикасы Мәгариф һәм фән министрлыгының матбугат хезмәте хәбәр итә. Иҗади ярышта 10 яшьтән 20 гә кадәр булган яшь журналистлар көчләрен сынап карый ала. Төп приз — журналист һөнәре алу өчен уку йортына ышанычлы юллама.
