Татарстан китап нәшрияты Иран китап күргәзмәсендә катнаша

(Казан, 21 ноябрь, «Татар-информ»). 17 - 22 ноябрь көннәрендә Татарстан китап нәшрияты Каспий буе төбәге илләренең халыкара китап күрмәзмәсендә катнаша. Күргәзмә Иранның Гилән провинциясендә урнашкан Решт шәһәрендә үтә. Бу хакта Татарстан китап нәшрияты матбугат хезмәте хәбәр итә.

<~>

Россия делегациясенең катнашуы РФ Матбугат һәм массакүләм коммуникацияләр агентлыгы ярдәмендә мөмкин булды.

<~>

Татарстан китап нәшрияты тарихи китаплар, балалар басмалары, яшь һәм легендар татар авторларының яңа әсәрләрен тәкъдим итә.

<~>

Нәшрият стенды белән мәртәбәле кунаклар танышты: Иран хакимияте вәкилләре, Гилән провинциясе җитәкчелеге, Решт шәһәре мэры һәм күпсанлы китап укучылар аудиториясе. Алар бигрәк тә тарихи әдәбият һәм балалар әдәбияты белән кызыксынды.

<~>

Татарстан китап нәшрияты җитәкчесе Илдар Сәгъдәтшин җирле мәдәният һәм матбугат хезмәткәрләре, шагыйрьләр һәм язучылар катнашында үткәрелгән түгәрәк өстәлдә нәшрият эшчәнлеге турында сөйләде.

<~>

• Нәшрият Иран китап күрмәзмәсендә икенче тапкыр катнаша. Беренче тапкыр татар әдәбияты бирегә 2016 елда XXIX Тегеран халыкара китап күргәзмәсендә тәкъдим ителгән иде.

<~><~>

<~>