Новости за 21.04.2025

Актанышның яшь футболчылары мактаулы даннарын төшерми алга бара. Татарстан Рәисе ярдәме белән сафка баскан «Батыр» футбол мәйданчыгында системалы алып барылган күнекмәләрнең бик яхшы нәтиҗәсе бу. Тренер Рамил Гыйльфанов җитәкчелегендә «Иман» командасы Эдуард Стрельцов Кубогына IV Бөтенроссия балалар футбол турнирында II урынга лаек булды. Бу хакта «Актаныш» сайтында Ләйсән Газизова яза.

Бүген «СалаваТік» төркеме язга багышланган яңа клип тәкъдим итте. «Язгы тамчы» җырының сүзләрен Халисә Хәкимуллина, көен Мәсгудә Шәмсетдинова язган.

Түбән Кама шәһәренең Менделеев урамында исерек хәлдәге берничә ир-ат арасында низаг килеп чыккан, аларның берсе сигнал пистолетыннан аткан. Низагта катнашучыларның берничәсе тоткарланган, дип хәбәр иттеләр Татарстан буенча Эчке эшләр министрлыгы матбугат хезмәтендә. Социаль челтәрләрдә шуның видеоязмасы таралды.

Татарстанда бу атна ахырына аномаль эсселектән соң температураның түбәнәю көтелә. ТР Гидрометеорология һәм әйләнә-тирә мохитне күзәтү идарәсенең фаразында шулай диелә.

21-30 апрельдә Түбән Камада Бөек Ватан сугышы ветераннары, хәрби хәрәкәтләрдә, махсус хәрби операциядә катнашучылар һәм аларның гаилә әгъзаларына бушлай хокукый ярдәм күрсәтү буенча акция үткәрелә.

Татарстан Язучылар берлеге рәисе, халык шагыйре Ркаил Зәйдулла туган тел көнен һәм Габдулла Тукайның 139 еллыгын уздыруга багышланган матбугат очрашуында шигърият бәйрәменең яңа Галиәсгар Камал исемендәге Татар дәүләт академия театры бинасы янына күчүе турында фикерен әйтте.

Бүген Татарстан Рәисе Рөстәм Миңнеханов РФ Тышкы эшләр министрлыгында узган «Россия – Ислам дөньясы» Стратегик караш төркеме җитәкчелегенең Ислам хезмәттәшлек оешмасы әгъза-дәүләтләре илчеләре белән очрашуында дипломатларны «Россия – Ислам дөньясы: KazanForum» форумына чакырды. Бу хакта республика җитәкчесенең матбугат хезмәте хәбәр итә.

18 апрельгә Казанда талпан кадалуның 119 очрагы теркәлгән, бу - республикада иң югары күрсәткеч.

Драматург, режиссер, Камал театры директоры Илгиз Зәйниев 26 апрель көнне Габдулла Тукайның 139 еллыгына багышланган чаралар кысаларында шагыйрьнең 2 томлыгын укып чыгарга ниятләүләре турында әйтте.

РФ Президенты Владимир Путин табыш алу ниятеннән Россиягә каршы санкцияләр кертергә чакырган өчен җинаять җаваплылыгын күздә тоткан законга кул куйды. Документ рәсми хокукый мәгълүмат порталында урнаштырылган.

Рамил Муллин Түбән Кама шәһәре мэры һәм Түбән Кама районы башлыгы вазифасыннан китә. Район Башкарма комитетында «Татар-информ» агентлыгына шулай дип белдерделәр.

Казанда суд приставлары 9 яшьлек маугли-кызны опека органнарына тапшырган. Алар баланың әнисе яшәгән йорт адресы буенча суд карарын үтәү өчен килгән, ләкин хатын ишекне ачмаган. Ишекне ватып керәбез дип кисәткәч кенә, приставлар өй эченә үткән.

Быел «Мин татарча сөйләшәм» акциясе уздырыла башлауга 20 ел тула. Традицион рәвештә, 26 апрельдә, Галиәсгар Камал исемендәге Татар дәүләт академия театрының яңа бинасы каршында (Һади Такташ урамы, 74 йорт) «Мин татарча сөйләшәм» акциясенең нәтиҗәләрен игълан итү тантанасы һәм гала-концерт узачак.

Россия Социаль фондының ТР буенча бүлеге белгечләре ата-аналар өчен бердәм пособие билгеләүне җиңеләйтте. Әгәр гаиләдә олы балалар түләүләр ала икән, кечесенә пособиене гариза бирмичә һәм гаилә керемен бәяләмичә билгеләячәкләр.

Туган тел көнен һәм Габдулла Тукайның 139 еллыгын уздыруга багышланган матбугат очрашуында Татарстан Республикасының мәдәният министры урынбасары Ленар Хәкимҗанов 26 апрель көнне нинди чаралар көтелүе турында cөйләде.

Татарстан Рәисе һәм «Россия – Ислам дөньясы» Стратегик караш төркеме рәисе Рөстәм Миңнеханов Рим Папасы Францискның вафат булуына бәйле рәвештә кайгы уртаклашты. Кайгы уртаклашу телеграммасы Рим-католик чиркәвенең камерленгосы Кевин Фарреллга адресланган (бер понтификның вафатыннан соң һәм икенчесен сайлаганчы нәкъ менә камерленго Изге Тәхетнең суверены һәм Ватиканның суверен башлыгы вазифаларын вакытлыча башкаручы санала – Т-и иск.).

16-18 апрельдә Новосибирск шәһәрендә Татарстан Республикасы көннәре үтте, дип хәбәр итә Бөтендөнья татар конгрессы матбугат хезмәте.

Тинчурин театры 91 нче театраль сезонның алтынчы премьерасын әзерли. «Бәхет хакы» спектаклен Әтнә татар дәүләт драма театрының баш режиссеры Рамил Фазлыев чыгара. Премьера 22 һәм 23 майда көтелә.

РФ Сәнәгать һәм сәүдә министрлыгы балалы гаиләләр өчен ташламалы автокредитлау программасын яңадан торгызырга ниятли. Ведомство башлыгы Антон Алиханов шулай дип белдерде. Бу хакта «Российская газета» яза.

С приходом весны многие сталкиваются с насморком, слезотечением и постоянным чиханием.

Татарстан Рәисенең матбугат хезмәте җитәкчесе Лилия Галимова Telegram-каналында республика лидеры Рөстәм Миңнехановның Рим Папасы Франциск (ул бүген вафат булды) белән 2022 елдагы очрашуы вакытында төшерелгән фото белән уртаклашты.

Ежедневный оперативный прогноз возникновения чрезвычайных ситуаций на территории Нурлатского района на 22 апреля 2025 года.

Иртәгә көндез һәм кичен Татарстанда яшен һәм тизлеге 20 м/с ка кадәр җиткән көчле җил фаразлана. Бу хакта Татарстанның Гадәттән тыш хәлләр хезмәте хәбәр итә.

Тинчурин театры 26 апрель — Туган тел көне һәм Габдулла Тукайның тууына 139 ел тулуга багышланган чаралар циклын оештыра.

2025 елның 25 апрелендә Татарстанда хәрби хезмәткәрләрнең хокукларын яклау һәм аларга ярдәм күрсәтү мәсьәләләре буенча махсус кайнар элемтә эшли башлый. Әлеге проект ТР Дәүләт Советында эшләүче депутат хатын-кызларның «Мәрхәмәт – Милосердие» берләшмәсе тәкъдиме белән тормышка ашырыла. Бу хакта Татарстанда Кеше хокуклары буенча вәкаләтле вәкил аппараты матбугат хезмәте хәбәр итә.