World News in Tatar

Әлмәттә шәһәр һәм район активлары катнашында махсус хәрби операция вакытында һәлак булган хәрбиләрнең туганнарына дәүләт бүләкләре тапшыру тантанасы булды. Бу хакта «Әлмәт таңнары» хәбәр итә.

Бүген, 23 мартта, Казанда 19 ел элек булган температура рекорды яңартылды. Бу хакта ТР Гидрометеорология үзәге хәбәр итә.

Бүген Казанда «Россиянең Ел укытучысы-2026» бөтенроссия бәйгесенең төбәк этабы призерлары һәм җиңүчеләре бүләкләнде. Конкурсның мәктәп, муниципаль һәм зона этаплары аша быел республиканың барлыгы 1,8 меңнән артык педагогы узган. 41 кеше төбәк этабына чыгып, иң яхшы Укытучы исеме өчен көч сынашкан.

Татар әдәбияты зур югалту кичерә. Күренекле татар язучысы Вакыйф Нуруллин вафат булды. Аңа 90 яшь иде, дип хәбәр итә «Казан утлары» телеграм-каналы.

28 март көнне Казанда яшь буын шагыйрьләренә багышланган «КИЛӘЧӘК БУЫН» дип аталган шигърият кичәсе уздырыла. Китапханәдәге чарада Татарстан башкаласының заманча шигърият киңлеген булдыруда катнаша торган яшь шагыйрьләр катнаша. Бу хакта Казан мэриясе матбугат хезмәте хәбәр итә.

Талпан энцефалитыннан чын-чынлап прививка гына саклый ала, ә авыруның җиңел узуына өметләнү – куркыныч лотерея уйнау белән бер. Бу хакта биолог, «Коллективный иммунитет» оешмасы директоры Антонина Обласова «Радио 1» белән әңгәмәдә сөйләгән.

Илнең берничә төбәгендә хайваннар арасында төрле инфекцияләр таралу сәбәпле, Татарстан Республикасында ветеринар контрольне көчәйттеләр. Юлда терлек төялгән машиналарны туктаталар, кибет-базарларга килә торган ит продукциясен тикшерәләр. Республиканың Ветеринария идарәсе җитәкчелеге районнарда хуҗалык рәисләре, мал-туар алып-сатарлары белән киңәшмәләр уздыра башлады. Бу хакта «ТНВ-Татарстан» телеканалында чыгучы «Адымнар» тапшыруында хәбәр иттеләр.

18-19 апрельдә Марий Эл Республикасы Йошкар-Ола шәһәрендә «Шома бас» XIX халыкара татар биюе фестиваль-конкурсы узачак. Бу хакта «Марий Эл Республикасы татарлары» төбәк милли-мәдәни оешмасы хәбәр итә.

Владимир Якушев 19 мартта Мәскәүдә узган Партиянең генераль советы утырышында «Бердәм Россия»нең 2026 елгы сайлау кампаниясе кысаларында куелган бурычларны үтәүгә әзерлеге турында билгеләп үтте.

«Республикасының Ел тәрбиячесе – 2026» исеменә Казанның Авиатөзелеш районында урнашан 78нче балалар бакчасы хезмәткәре Елена Бербина лаек булды.

Муса Җәлилнең музей-фатиры капиталь ремонтка үз чиратын көтә. Аның мөдире Ленария Мөслимова музей-фатир 2031 елга яңартылыр, дигән өметен белдерде.

Атна ахырына Татарстан территориясендә температура фонының тагын да күтәрелүе көтелә. Димәк, төнге һәм көндезге температура арасындагы аермалар кими. Бу хакта ТР Гидрометеорология үзәге фаразында әйтелә.

Апрель, «Тукай ае» алдыннан Татарстан Милли музее хезмәткәрләре «Татар-информ»да узган матбугат конференциясендә музейда һәм аның филиалларында гамәлдә булган татар телле программалар турында сөйләде.

«Яндекс.Тәрҗемәче» кулланучылары арасында Россиядәге халыклар телләре категориясендә татар теле иң күп соралган тел булган. Шулай ук башкорт, чуаш, мари һәм якут телләре дә популяр.

Татарстан Республикасы Иҗтимагый палатасының бүгенге әгъзасы, «Динамо» физкультура-спорт җәмгыяте рәисе киңәшчесе Ольга Павлованы Россия Иҗтимагый палатасы составында эшләү өчен икенче срокка Татарстаннан кандидат итеп расладылар. Мондый карар Казанда ТР Иҗтимагый палатасы утырышында кабул ителде.

26 апрельдә Төмәндә «Үткәннән киләчәккә – 2026» этник мода күрсәтү чарасы була. Бу чара – «Корама» клубына йөрүче остабикәләрнең һәм себер татарларының уникаль мәдәни мирасын саклап калу һәм үстерү өчен тырышучы барлык кешеләрнең уртак хезмәтенең нәтиҗәсе. Милли костюм – ул тере тарих, Россиянең этномәдәни байлыгының һәм күптөрлелегенең символы, дип хәбәр итә Себер татарлары милли-мәдәни автономиясе. Чара программасы:

«Татмедиа» Республика Матбугат һәм массакүләм коммуникацияләр агентлыгы ТР Журналистлар берлеге белән журналистика һәм массмедиа өлкәсендә «Бәллүр каләм» XXVIII республика конкурсын уздыру турында игълан итә. Бу хакта Татмедиа акционерлык җәмгыятенең матбугат хезмәте хәбәр итә.

20 мартта, Ураза гаете бәйрәмендә, Пензада балалар йортларында тәрбияләнүчеләр өчен татар милли ризыклары әзерләү хәйрия акциясе узган. Чараны Ислам рухи үзәге – «Нур-Ислам» мәчете оештырган. Акция «Яхшылык гаиләдә башлана» шигаре астында үткәрелгән. Бу хакта Пенза өлкәсе татар автономиясе хәбәр итә.

Ураза бәйрәменең икенче көнендә Түбән Каманың «Җәмигъ» мәчетендә инвалидлар өчен хәйрия чарасы үткәрелде. Әлеге акциягә физик мөмкинлекләре чикле балалар һәм аларның әти-әниләре, өлкән буын вәкилләре, шулай ук инвалидлар җыелды. Барлыгы йөздән артык кеше катнашты. Кунаклар өчен бәйрәм өстәле һәм пылау әзерләнде.

АКШ президенты Доналд Трамп соңгы ике көндә Якын Көнчыгышта хәрби чараларны туктату мәсьәләсендә Иран белән "яхшы һәм эчтәлекле" сөйләшүләр уздыруы турында белдерде. Бу хакта Трамп Тruth Social социаль челтәрендә язды, сөйләшүләр бу атнада дәвам итәчәк. Шуңа нигезләнеп Трамп Иранның энергетика инфраструктурасына һөҗүмнәрне биш көнгә кичектереп торырга кушты. Трамп сүзләренчә, барысы да сөйләшүнең ничек тәмамлануыннан торачак. Якшәмбегә каршы төндә Трамп Ираннан кичекмәстән кораблар өчен Ормуз бугазын ачуны таләп итте... Читать дальше...

Татарстанда ике ярминкә көнендә фермерлар 189,9 млн сумлык авыл хуҗалыгы продукциясе саттылар, дип хәбәр итә Татарстан Республикасы Авыл хуҗалыгы һәм азык-төлек министрлыгы матбугат хезмәте.

Ел башыннан Татарстанда газ белән агуланудан 12 кеше үлгән. Бу хакта «Татар-информ»га ТР торак инспекциясе матбугат хезмәтендә хәбәр иттеләр.

Татарстан Министрлар Кабинеты педагогик хезмәткәрләргә торакны арендага алу чыгымнарын компенсацияләү тәртибен раслады. Тиешле карар республиканың хокукый мәгълүматның рәсми порталында басылып чыкты.

Ростов-Дон шәһәренең «Геркулес» спорт комплексында көрәш буенча Ростов өлкәсенең ачык чемпионаты һәм беренчелеге узган. Бу хакта Россия Көрәш федерациясе матбугат хезмәте хәбәр итә.

27–29 мартта Чистай районында «Тормыш – пьеса кебек: Гаяз Исхакый» исемле театр фестивале оештырыла. Чара Татарстанның профессиональ һәм үзешчән театр коллективларын бер мәйданда җыячак. Бу хакта «Татар-информ»га «Чистай дәүләт тарихи-архитектура һәм әдәби музей-тыюлыгы» ТР Дәүләт бюджет мәдәният учреждениесе директоры Светлана Скучаева хәбәр итте.