Polisiýa: Pakistanly žurnalist Karaçi şäherinde atylyp öldürildi
Polisiýa hususy “Samaa” habar kanalynda işleýän Athar Matiniň çagalaryny mekdebe eltip, öýüne gaýdyp gelýän wagtynda, gümürtik ýagdaýda öldürilendigini habar berdi.
Şaýatlaryň käbiri onuň, motorly iki adam geçegçiniň zatlaryny aljak bolanda, awtoulagyny olaryň üstüne sürendigini aýdýarlar. Beýlekiler bolsa, Matiniň özüniň talaňçylygyň nyşany bolandygyny we awtoulagyna münüp, hüjümçilerden gaçmaga synanyşandygyny aýtdylar.
Polisiýa hüjümçileriň biriniň Matiniň awtoulagyna ot açyp, ony öldürendigini aýtdy. Polisiýanyň beren habaryna görä, hüjüm edenler soň başga bir adamyň motoryny alyp, gaçyp gidipdirler.
Içeri işler ministri Şeýh Raşid Ahmed wakanyň nähili ýagdaýda bolandygyny anyklamak üçin derňew geçirmegi buýurdy.
Pakistanyň takmynan 15 million ilatly port şäheri Karaçi köçe jenaýatlarynyň gürlügi bilen tanalýar.