Moskwa polisiýasy oppozisiýa lideri Lýubow Sobolyň baş edarasy üçin gol ýygnaýanlara tälim berýän Alekseý Minýaýlonyň öýüni dökdi diýip, garaşsyz syýasy gözegçilik topary topary aýtdy.
OVD-Infonyň aýtmagyna görä, öý döküşlik derňew komitetiniň 27-nji iýulda resmileriň Moskwa şäher geňeşiniň saýlawlarynda dalaşgärlik etmekçi bolan oppozision kandidatlaryň hasaba alynmazlygyna garşy guralan protestleriň garşysyna açan jenaýat işiniň çäginde, 1-nji awgustda geçirildi.
Howpsuzlyk resmileri proteste gatnaşyjylary zorluk bilen basyp ýatyrmaga başlap, OVD-Infonyň maglumatyna görä, 1,373 demonstrasiýacyny tussag etdiler.
Jenaýat kodeksinde atlandyrylyşy boýunça, pitneçilik ýa-da “köpçülikleýin bidüzgünçilige” sebäp bolmak boýunça diýlip häsiýetlendirilen iş 30-njy iýulda açyldy we bu aýyplama boýunça günäli tapylanlara 15 ýyla çenli türme tussaglygyny bermek mümkinçiligi bar.
Derňew açylandan soň, polisiýa 31-nji iýulda proteste gatnaşan adamlaryň, şol sanda çepçi blogyň lideri Wasiliý Kuzminiň, Agora hukuk toparynyň başlygy Pawel Çikowyň hem üstüne barmaga başlady.
