Türkmenistanda täze 2023-2024-nji okuw ýylynyň ilkinji gününde 76 müňden gowrak çaga 1-nji synpa okuwa barýar. Bu san 2022-nji ýylda 159 müňden hem köpdi. Bu sanlar, ýurtda ilat sanynyň 7 milliondan aşandygy yglan edilensoň, birinji synpa barýan okuwçylaryň sanynyň iki esse azalandygyny görkezýär.
Aşgabadyň döwlet dükanlarynda ilata ýeňillikli bahadan satylýan un gaýtadan peýda boldy. Ýöne paýtagtlylar unuň ýanyndan ýaramlylyk möhleti geçen önümi satyn almaga mejbur edilýärler. “Döwlet dükanlary adam başyna bäş kilogram ýerli uny satyp başladylar. Bir kilogramy 1 manat bolan unuň bäş kilogramy 5 manada düşýär. Ýöne dükan satyjylary öňki heňinde işleýärler we alyjylaryň hukuklaryny gödek bozýarlar” diýip, Azatlyk Radiosynyň habarçysy 31-nji awgustda paýtagtdan maglumat berdi. Onuň sözlerine görä... Читать дальше...
Daşoguz welaýatynyň polisiýasy tebiplere çagalary sünnet etmegi gadagan edýär diýip, “Türkmenistanyň Hronikasy” neşiri habar berýär. Azatlyk Radiosynyň Mary welaýatyndaky habarçysy, sebitde çagalary sünnet edýän tebipleriň tas galmandygyny aýdýar.
Dini sebäplere görä watanynda yzarlanýan türkmen bosguny Aşyrbaý Bekiýew 30-njy awgustda agşam Moskwadan Aşgabada deportasiýa edildi. Bu barada adam hukuklary boýunça "Türkmen Helsinki Fondy" habar berdi. Bekiýew tas sekiz ýyllap Russiýanyň häkimiýetleriniň deportasiýa etmek kararyna garşy durmaga synanyşdy. Adam hukuklaryny goraýjylar Bekiýewiň Türkmenistandaky ykbalyna barada çynlakaý alada bildirýärler. THF-nyň habaryna görä, Aşyrbaý Bekiýew çarşenbe güni agşam sagat 11 töweregi dostuna jaň edip, ýurtdan çykarylýandygyny aýdypdyr. Читать дальше...
Türkmenistanda täze 2023-2024-nji okuw ýylynyň ilkinji gününde 76 müňden gowrak çaga 1-nji synpa okuwa barýar. Bu san 2022-nji ýylda 159 müňden hem köpdi. Bu sanlar, ýurtda ilat sanynyň 7 milliondan aşandygy yglan edilensoň, birinji synpa barýan okuwçylaryň sanynyň iki esse azalandygyny görkezýär. 1-nji sentýabrda 76 müň 677 çaga 1-nji synpa okuwa barar. Olar “Aýdyň Gijeler” hojalyk jemgyýetiniň öndüren noutbuklaryny alarlar. “Bilimli” diýlip atlandyrylýan bu noutbuklar mekdep durmuşyna ilkinji... Читать дальше...
Türkmenistanlylaryň zähmet migrasiýasy üçin saýlap alýan esasy ugurlarynyň biri bolan Türkiýede bikanun migrantlara garşy giň gerimli reýdler dowam edýär. Azatlyk Radiosynyň Türkiýedäki çeşmeleri türk deportasiýa merkezlerinde azyndan 1 müň 500 türkmen raýatynyň saklanýandygyny habar berýärler.
Gyrgyzystanyň Medeniýet ministrligi ýurt çäginde TikTok wideo paýlaşmak programmasyny ýapmak barada görkezme berdi. Hökümetiň söz azatlygyny we maglumat akymyny çäklendirmek üçin görýän çäreleri baradaky aladalaryň arasynda berlen görkezme jemgyýetçilik guramalarynyň TikTok sosial media platformasynyň çagalaryň akyl saglygyna ýetirýän täsiri baradaky ýüzlenmelerine esaslanýar. Ministrlik 30-njy awgustda bu programmanyň çagalar üçin ulanyjy gözegçiliginiň ýokdugyny göz öňünde tutup, Sanly ösüş... Читать дальше...
Baýden administrasiýasy Özbegistandan ABŞ-a bikanun adam geçirmäge synanyşýan bir toruň tapylandygyny we togtadylandygyny, bu ulgamyň azyndan bir agzasynyň daşary ýurt terrorçylyk topary bilen arabaglanyşygynyň bardygyny aýtdy. Bu ýerde gürrüň Meksikadan Birleşen Ştatlara gaçak ýollar bilen geçirilýän adamlar barada barýar. ABŞ resmileri kontrabanda ulgamyny ulanan özbek raýatlarynyň haýsydyr bir terrorçylyk baglanyşygynyň bardygyna ýa-da terrorçylyk hüjümini meýilleşdirýändigine ynanmaýarlar diýip... Читать дальше...
27-nji awgustda bolan “görlüp-eşidilmedik hadysa” Eýranyň territoriýasynyň 60 göteriminiň tot-tozana gaplanmagyna sebäp boldy diýip, Eýranyň “Ham-Mihan” gazeti ýazýar. 26-njy awgustda başlanan we ýurduň demirgazyk, demirgazyk-gündogaryndaky sebitleriň käbirini gaplap alan tot-tozan, resmileriň käbiriniň pikiriçe, Türkmenistanyň çöllük ýerlerinden uç alan bolmaly. Emma hünärmenleriň käbiri bu çaklamany ret etdi we tozanly ýeliň sebäbini ýurt içindäki suwly, çygly ýerleriň guramagy bilen baglanyşdyrdy diýip, habarda bellenýär. Читать дальше...
Türkmenistanda bu ýyl 1-nji synpa okuwa barýan körpelere gowşuryljak kompýuterler, öňki ýyllardan tapawutlylykda, iki adamyň adyndan, prezidentiň we Halk maslahatynyň başlygynyň adyndan gowşurylar. Prezident Serdar Berdimuhamedow kompýuterleri dabaraly ýagdaýda gowşurmak üçin zerur çäreleri görmegi tabşyrdy. Türkmen metbugaty birinji synp okuwçylaryna kompýuter sowgat bermek däbiniň 2011-nji ýylda, Gurbanguly Berdimuhamedow tarapyndan ýola goýlandygyny belleýär. Öňki ýyllarda enjamlar daşary ýurtlardan satyn alnan bolsa... Читать дальше...
