Hepdäniň wakalaryna gysgaça synymyzy, Türkmenistanda ýramazlaşýan howa, ýer-suw şertleri, ýerden we mallardan alynýan önümleriň azalmagy bilen ilatyň ýyl-ýyldan garyplaşmagynyň arasyndaky arabaglanyşyk hakynda ýerli ýaşaýjylaryň pikirleri esasynda taýýarlan gepleşigimizi diňläp, öz pikir-garaýyşlaryňyzy aýtmaga çagyrýarys. Eger-de gepleşige ‘laýk’ goýsaňyz we ony paýlaşsaňyz, Türkmenistanda ýapyk saklanylýan meseleleriň has köp adama ýetmegine we çözülmegine kömek ederdiňiz.
Ýakynda Türkmenistana gelen ýapon seýsmology Jun Matsuo bu ýurtda has köp işlemek üçin geldi diýip, hökümetçi “Türkmenportal” neşiri anyklaşdyrmazdan habar berdi. Ýaponiýanyň Aşgabatdaky ilçihanasynyň sosial ulgamlarda beren habaryna görä, Jun Matsuo Türkmenistanyň Seýsmologiýa ylmy-barlaglar instituty bilen hyzmatdaşlykda ýurduň sebitlerinde işlär, onuň wezipesi Aşgabatda ýer titremesine gözegçilik edilmegini gowulandyrmak taslamasyny (JICA tehniki hyzmatdaşlyk taslamasy) öňe sürmekden ybarat diýip, habarda aýdylýar. Читать дальше...
“Türkmenistan Altyn asyr” saýty 18-nji aprelde, Azatlygyň habarçylarynyň aşa yssydan soň gelen sowuk howanyň miweli agaçlara we beýleki ekinlere ýetiren zyýany barada beren habarlarynyň yz ýanyndan, Türkmenistandaky salkyn howanyň ornuna ýene-de yssy howanyň geljekdigini habar berdi. Emma resmi habar serişdeleri, adatça bolşy ýaly, howanyň birden gyzyp, birden sowamagynyň daýhanlaryň, maldarlaryň işine we durmuşyna, aljak girdejilerine ýetirip biljek täsiri hakynda maglumat bermekden saklandylar. Читать дальше...
