Türkmenistan 2023-nji ýylda Global ýumşak güýç indeksindäki ornuny 25 dereje ýokarlandyrdy diýip, “Trend” habar gullugy "Global Soft Power Index” tarapyndan çap edilen hasabata salgylanyp habar berýär. Habarada aýdylmagyna görä, Türkmenistan görkezijide 121-nji orundan 88-nji orna galdy, Aziýa döwletleriniň arasynda bolsa 13-nji orunda ýerleşdirildi. ABŞ, Angliýa we Germaniýa indeksiň ilkinji üç ornuny eýeleýär, Aziýa ýurtlarynyň arasynda Ýaponiýa Global ýumşak güýç indeksiniň lideri diýlip ykrar... Читать дальше...
Türkiýe, möhleti geçen pasportly türkmen raýatlaryna ýaşamak üçin rugsatnamalary ýene berip, başlady, ýöne möhleti geçen pasportlarda onuň möhletiniň uzaldylandygy hakynda türkmen konsullygynyň belligi bolmaly. Geçen hepde Türkiýäniň sebit migrasiýa bölümleri möhleti geçen pasportly türkmen raýatlaryň ýaşamak üçin rugsatnamalary uzaltmak baradaky arzalaryny kabul etmekden ýüz öwrüpdi.
Aşgabadyň bazarlarynda käbir azyk önümleriniň nyrhlary birneme arzanlap başlady. Bu waka, Azatlyk Radiosynyň paýtagtyň bazarlarynda we söwda nokatlarynda azyk harytlarynyň bahasynyň gymmatlaýandygy baradaky maglumatlarynyň yz ýanyna gabat geldi.
Şu günler Mary welaýatynyň Baýramaly şäherinde azykdan zäherlenip, hassahana ýüz tutýan adamlar göz-görtele köpelýär. Ýeli lukmanlar olaryň aglabasynyň ýumurtgadan zäherlenýändigini aýdýarlar.
Türkmenistanda demir önümleriniň importy bilen bagly dowam edýän kynçylyklaryň arasynda, häkimiýetler Amyderýanyň üstünden geçýän taryhy demir köprini ýykmaga taýýarlanýar. Azatlygyň çeşmeleri uzynlygy 1200 metr töweregi bolan köprüden söküljek onlarça müň tonnalyk demir önümleriniň ýerli bazarlarda satuwa çykarylmagyna garaşylýandygyny aýdýarlar.
Türkiýe, möhleti geçen pasportly türkmen raýatlaryna ýaşamak üçin rugsatnamalary ýene berip, başlady, ýöne möhleti geçen pasportlarda onuň möhletiniň uzaldylandygy hakynda türkmen konsullygynyň belligi bolmaly. Geçen hepde Türkiýäniň sebit migrasiýa bölümleri möhleti geçen pasportly türkmen raýatlaryň ýaşamak üçin rugsatnamalary uzaltmak baradaky arzalaryny kabul etmekden ýüz öwrüpdi. Türk Migrasiýa Gullugy, möhleti geçen pasportlary bolan, ýöne Türkmenistanyň konsullyklary tarapyndan uzaldylan... Читать дальше...
Türkmenistanda gurluşygy dowam edýän Arkadag şäheriniň wagyz işlerine bat berilýär. Şäherde alnyp barylýan işleri üstünlikli wagyz etmek maksady bilen, ýaňy-ýakynda “Arkadag” gazeti we “Arkadag” teleýaýlymy esaslandyryldy. Gazet iýul aýynda, teleýaýlym sentýabr aýynda öz işine başlar. Bu aralykda, “Arkadag” şäherine “döwlet ähmiýetli şäher diýen aýratyn hukuk ýagdaýy” berilýär. Azatlygyň çeşmeleri türkmen paýtagtynyň tapgyrlaýyn esasda we ýuwaş-ýuwaşdan Arkadag şäherine göçürilmek ähtimallygy, ýa-da... Читать дальше...
2024-nji ýylda Fransiýada geçiriljek XXXIII tomusky Olimpiýa we XVII tomusky paralimpiýa oýunlaryna Türkmenistanyň milli ýygyndy toparlaryny taýýarlamak baradaky prezident buýrugyndan soň, Türkmenistanda saýlama ýaryşlaryna sportçylary hasaba almak işi başlandy. Habarçylaryň sözlerine görä, ozal birnäçe sebäbe görä, sport ýaryşlaryna gatnaşmaga rugsat berilmedik türgenleri hem şu günler hasaba alýarlar.
Lebap welaýatynyň Türkmenabat şäheriniň orta mekdeplerinde ýokary synp okuwçylara koronawirusa garşy sanjym edilip başlandy. Köp ene-ata çagalaryna nähili sanjymyň edilýändigini bilmeýän mahaly, köpüsi sanjymdan ýüz öwürýär.
Azatlyk Radiosynyň çeşmeleri we habarçylary Türkmenistanyň gündogar Lebap welaýatynyň administratiw merkezinde üç ýyl ozal açylyp, ulanylmaga berlen baş metjidiň gurluşygynyň bahasy barada täze detallary anyklady.
Türkmenistanda aragatnaşyk hyzmatlarynyň hili pesligine galýar. 1-nji martdan internetiň hilini ýokarlandyrmak we hyzmatlaryň bahasyny arzanlatmak baradaky resmi bildirişlerden soňky bir aýda ýagdaýyň düýpden üýtgemändigini, internetiň haýallygyna galýandygyny we täze sim-kartlaryň satylmaýandygyny hem Azatlygyň habarçylary, hem-de "TMCell"-yň müşderileri aýdýarlar.
Mary welaýatynyň merkezi şäheriniň köp gatly ýaşaýyş jaýlarynyň podýezdelerinde zir-zibil taşlamak üçin göz öňünde tutulan ulgam kadaly işlemeýär. Her gatyň arasyndaky ýörite çelekden hapalar aşak zyňlandan soň, olar soňy bilen ýerzeminlerden wagtynda arassalanmaýar. Bu hem sanitariýa, arassaçylyk meseleleri bilen birlikde, ýaşaýjylaryň kadaly durmuşyna hem ýaramaz täsir edýär.
Türkmen hökümeti ýurduň täze gurulýan awtomobil ýollary bilen halkara ulag-logistika merkezine öwrülýändigini aýdýan mahaly, Balkan welaýatynyň çukanak-sakanak ýollary awtoulaglary hatardan çykarýar.
Lebap welaýatynyň Türkmenabat şäherinde köçelerdäki haýwanlara garşy ýowuzlyk gaýtadan güýçlendi. Öňkülerden tapawutlylykda, bu gezek häkimiýetler itleri we pişikleri zäherläp öldürmek çärelerini gizlin amal edýärler. Bu ýagdaýlar barada Azatlyk Radiosynyň habarçylary we haýwanlary goraýan aktiwistler maglumat berýärler.
Türkmenistanlylar 26-njy martda Mejlisiň deputatlary, Halk maslahatlarynyň we Geňeşleriň agzalary üçin ses berdiler. Häkimiýetler saýlawlara gatnaşygyň 91%-den gowrak bolandygyny, ses berişligiň demokratik ýörelgeler esasynda geçendigini aýtdylar. Emma hökümet tankytçylary resmileriň aýdýanlary bilen ylalaşmaýar. Azatlyk Türkmenistanyň saýlaw medeniýeti baradaky pikirlerini bilmek üçin ozalky diplomat, Wenada ýaşaýan syýasatçy Nurmuhammet Hanamowy hem-de Polşada ýaşaýan aktiwist Nurmuhammet Annaýewi Açyk söhbede çagyrdy.
Soňky döwürde, hususan-da täze prezident saýlawy geçirileli bäri, aýal-gyzlaryň hak-hukuklarynyň has çäklendirilýän ýurdy hökmünde tankytlanýan Türkmenistanda milli parlamentiň 125 agzasynyň 32-si aýal-gyzlardan ybarat boldy. Hökümetçi neşiriň resmi maglumatlara salgylanyp ýazmagyna görä, türkmen mejlisiniň ýedinji çagyrylyşyna geçirilen saýlawlarda täze düzüme saýlanan aýallaryň sany 26%-e golaý (25,60) bolup, çärýek derejesinden geçdi, ýagny 125 deputatyň 32 sanysy aýallardan ybarat boldy. ... Читать дальше...
Mary welaýatynyň merkezi şäherinde lagym ulgamlary kadaly işlemeýär. Munuň bilen bagly emele gelýän ýakymsyz ys daş-töwerege, käte ýaşaýjylaryň öýleriniň içine çenli ýaýraýar. Köp ýaşaýjy öýleriniň penjirelerini açyp bilmeýär. "Şäheriň 'Baýramaly krug' diýlip tanalýan ýolunyň ugrunda lagym ulgamlarynyň ýiti ýakymsyz ysy bar. Bu ýerde diňe bir gapdaldan ýakymsyz ys urman, eýse dört gapdaldan şäheriň lagym ulgamlarynyň ýakymsyz ysy bar" diýip, Azatlyk Radiosynyň sebitdäki habarçysy aýtdy. Bu ýagdaý... Читать дальше...
Türkmenistanyň Halk maslahatynyň başlygy Gurbanguly Berdimuhamedow ikinji gün Aşgabatda Türkiýäniň Palatalar we biržalar birleşiginiň başlygy Rifat Hisarjyklyoglu bilen duşuşyp, iki ýurduň arasyndaky haryt dolanyşygynyň möçberini artdyrmak meselesini maslahatlaşdy. Habarda kän anyklaşdyrylman aýdylmagyna görä, ýangyç-energetika, ulag-aragatnaşyk, oba hojalygy, azyk we dokma senagaty pudaklary, ýokary tehnologiýalar, ekologiýa ýaly möhüm ugurlarda Türkmenistanda bilelikdäki taslamalary amala aşyrmak üçin täze mümkinçilikler açylýar. Читать дальше...