Новости за 11.04.2022

Türkmenistanda musulmanlar üçin mukaddes hasaplanýan Remezan aýynyň başlamagy bilen, Aşgabadyň häkimiýetleri ilata arzan bahadan et satyp başlady. Azatlyk Radiosynyň habarçylary, ýurtda ýiti ykdysady kynçylyklaryň, azyk gytçylygynyň we gymmatçylygynyň dowam edýän wagty, ilat arasynda arzan ete talabyň örän ýokarydygyny habar berýärler. Habarçylarymyzyň maglumatyna görä, bu et geçen hepdäniň ahyrynda Çoganly ýaşaýyş jaý massiwinde, 6-njy orta mekdebiň golaýynda satylyp başlandy. Eti satýan telekeçiler... Читать дальше...

Iş başyndaky premýer-ministr Imran Han ynamsyzlyk ses berişliginde utulandan bir gün soň, Pakistanyň parlamenti oppozisiýa kanun çykaryjysy Şahbaz Şarifi ýurduň täze premýer-ministri wezipesine saýlady. 70 ýaşly Şarif Pakistan Musulman Ligasy-Nawazyň (PML-N) prezidenti we öň üç gezek premýer-ministr bolan hem-de korrupsiýada günäkär tapylan Nawaz Şarifiň inisi bolup durýar. Işden çetleşdirilen premýer-ministriň partiýasynyň kanun çykaryjylary ses berişligiň öňüsyrasynda bilelikde, köpçülikleýin parlamentden çekildi. Читать дальше...

Duşenbe güni, 11-nji aprelde Türkmenistanyň günbatar welaýatynda güýçli tozanly ýel turdy. Tozanly ýeliň netijesinde durmuş maksatly desgalaryň we ýaşaýyş jaýlaryň üçeklerindäki örtükleriň ençemesi gopdy. Şeýle-de, sebitde azyndan üç sany ýol hadysasy boldy. Bu waka, howa maglumatlaryny çap edýän “Meteožurnal” neşiriniň Türkmenistanyň käbir sebitlerinde güýçli tozanly ýeliň turmagyna garaşylýandygyny duýdurmagynyň yz ýanyna gabat geldi.

Şu günler Mary welaýatynyň Baýramaly şäherinde kanun goraýjy edaralaryň işgärleri gözellik salonlaryna aýlanyp, gelin-gyzlara käbir gözellik hyzmatlaryny amala aşyrmagyň gadagandygyny aýdýarlar. Olar bu gadagançylygy bozan gözellik salonlaryna we gelin-gyzlara pul jerimesiniň salynjakdygyny hem-de olaryň 15 gün türme tussaglygy bilen ýüzbe-ýüz bolup biljekdigini duýdurýarlar. "Olar [kanun goraýjylar] gelin-gyzlaryň ýüzlerine botoks etmegiň, ýüzleriniň ýygyrtlaryny tekizlemegiň, gözlerine goşmaça kirpik oturtmagyň... Читать дальше...

1-nji aprelde Azatlyk Radiosynyň habarçysy 127 türkmenistanlynyň Özbegistan bilen aradaky Farap serhet geçelgesinden Türkmenistana aşandygyny habar berdi. Ol ýene müňlerçe türkmenistanlynyň serhediň özbek tarapynda garaşýandygyny, türkmen häkimiýetleriniň bolsa olar barada aňtaw maglumatlaryny seljerýändigini habar berdi. Azatlygyň Özbegistandaky çeşmeleri indi türkmen häkimiýetleriniň öz raýatlarynyň Özbegistanyň üsti bilen ýurda aşmagyna rugsat bermeýändigini habar berýärler. Azatlygyň habarçysy... Читать дальше...

Aşgabadyň orta mekdeplerinde we mekdebe çenli çagalar edaralarynda dürli zerurlyklar üçin pul ýygnalyp başlandy. Esasy çykdajylar mekdebi abatlamak, uçurym çagalary surata düşürmek we prezidentiň täze portretlerini satyn almak ýaly zatlary öz içine alýar. Bu barada Azatlyk Radiosynyň habarçylary Aşgabatdan habar berdiler. Aşgabatdaky her bir orta mekdep okuwçysy ýa-da çagalar bagynda terbiýelenýän körpe pul tabşyrmaly edildi. Soralýan puluň mukdary okuw jaýyna görä, biraz tapawutlanýar. Käbir mekdeplerde 150 manat ýygnaýarlar... Читать дальше...

Gazagystan Russiýa, Gyrgyzystan we Özbegistan bilen aradaky serhet çäklendirmeleri ýatyryp, COVID-19 pandemiýasy zerarly 2020-nji ýylyň martyndan bäri möhüm däl syýahatçylara girizilen görlüp-eşidilmedik çäklendirmeleri bes etdi. Bu çäklendirmeler Gazagystanyň we daşary ýurtlaryň raýatlary, şeýle-de Gazagystanyň şu üç ýurt bilen aradaky döwlet serhedinden geçmekçi bolýan raýatlygy bolmadyk adamlar üçin 11-nji aprelde ýatyryldy diýip, häkimiýetler aýtdy. Bu karar 6-njy aprelde, Gazagystanyň koronawirusyň... Читать дальше...