Türkmenistanda dowam edýän ykdysady kynçylyklaryň, munuň bilen bir wagtda barha ýitileşýän işsizligiň fonunda, ýaşlaryň eklenç etmegiň dürli, şol sanda bikanun ýollaryna baş goşýandygy barada maglumatlar gelip gowuşýar. Azatlyk Radiosynyň Balkan welaýatyndaky habarçysynyň maglumatyna görä, soňky aýlarda ýaşlaryň arasynda gazanç etmek üçin Internetde humar oýunlaryny oýnaýanlar köpeldi. Bu bolsa, soňky günlerde häkimiýetleriň olara garşy göreşlerini güýçlendirmegine getirdi. Habarçymyzyň maglumatlaryna görä... Читать дальше...
Türkmenistanda azyk krizisi barha agyrlaşýar. Täjirçilik bahalarynyň yzygiderli ösmegi bilen bir wagtda subsidirlenen bahalar puja çykdy, üstesine, indi subsidirlenen bahadan diýlip satylýan önümler ilata bazar bahalaryndan hem ýokary nyrhdan hödürlenýär. Bu aralykda azyk satyn alyp bilmeýän maşgalalar köpelýär.
Türkmen häkimiýetleri ilatyň erkin maglumat almak hukuklaryny çäklendirmek işlerini güýçlendirmegi we daşary ýurtlarda ýaşaýan türkmen aktiwistlerini garalamak kampaniýalaryny dowam etdirýärler. Marynyň häkimiýetleri bu işlere ýaşululary çekip, ýaşlary Internetde hökümete garşy çykyşlara tomaşa edýän deň-duşlaryny şugullamaga çagyrýar. Häkimiýetleriň bu çäreleri barada Azatlyk Radiosynyň habarçysy Marydan habar berdi.
Bütindünýä banky Türkmenistany, ygtybarly maglumatlaryň ýoklugy sebäpli, şu ýylyň ýanwarynda tapgyr ikinji gezek özüniň “Global ykdysady perspektiwalar” hasabatyndan çykardy. Ykdysadyýetiniň dowam ösýändigini aýdýan Türkmenistan geçen ýyl hem şu kesgitleme esasynda bu abraýly guramanyň hasabatyna goşulmandy.
Prezident Gurbanguly Berdimuhamedow 27-nji ýanwarda Milli Geňeşiň Mejlisiniň başlygy Gülşat Mämmedowanyň hem-de Milli Geňeşiň Halk Maslahatynyň başlygynyň orunbasary Kasymguly Babaýewiň gatnaşmagynda iş maslahatyny geçirip, nobatdan daşary mejlise taýýarlyk görmek bilen bagly meselelere garady. “Döwrüň talabyna görä, kanunçylygy yzygiderli kämilleşdirmek hem-de geljekde Konstitusiýamyza hem üýtgetmeleri girizmek zerur” diýip, Berdimuhamedow anyklaşdyrmazdan, ýurduň Baş kanunyna girizilmegi mümkin düzediş barada gysgaça durup geçdi. Читать дальше...
31-nji ýanwarda, Birleşen Ştatlaryň başlangyjy bilen, BMG-niň Howpsuzlyk geňeşiniň rus goşunlarynyň Ukrainanyň serhedinde jemlenmegi baradaky meselä bagyşlanan maslahaty geçiriler. "Ukrainanyň serhedinde 100,000-den gowrak rus esgeri ýerleşdirildi, Russiýa Ukraina garşy her dürli durnuksyzlaşdyryjy hereketlere ýüz urýar" diýip, ABŞ-nyň BMG-däki hemişelik wekili Linda Tomas-Grinfildiň beýanatynda aýdylýar. Birleşen Ştatlar Howpsuzlyk geňeşiniň agzalary faktlary öwrenmeli we eger-de Russiýa Ukraina goşun sürse... Читать дальше...
Russiýa 27-nji ýanwarda Ukraina üstündäki gapma-garşylyk esasynda bildiren howpsuzlyk aladalaryna ABŞ-dan “oňyn jogap” almandygyny, ýöne birnäçe mesele boýunça dialogy dowam etdirmek mümkinçiliginiň bardygyny aýtdy. Garaşylyşy ýaly, Birleşen Ştatlar we NATO 26-njy ýanwarda Moskwanyň Ukrainanyň harby bileleşige girmek mümkinçiliginiň gapysyny hemişelik ýapmak baradaky teklibini ret etdi we Gündogar Ýewropada goşun we harby tehnika ýerleşdirilmek meselesini maslahatlaşmajakdygyny aýtdy. Emma muňa garamazdan... Читать дальше...
Gyrgyzystanyň we Täjigistanyň häkimiýetleri iki goňşy ýurduň howpsuzlyk güýçleriniň arasynda başlanan araçäk çaknyşyklaryny togtadyp, 28-nji ýanwarda ýaraşyk baglaşdylar. Serhet çaknyşyklarynda azyndan iki adamyň ölendigi, bir topar adamyň ýaraly bolandygy habar berilýär. 27-nji ýanwardaky çaknyşyk iki ýurduň arasynda gowy kesgitlenmedik serhet çelgileri we ýol petiklenmeleri bilen bagly gapma-garşylyklarda geçen ýyl bolan we ondan gowrak adamyň ölümine getiren çaknyşykdan bäri dörän iň ganly waka boldy. Читать дальше...
11-nji fewralda Türkmenistanyň Halk Maslahatynyň nobatdan daşary mejlisi geçirilýär, şondan dogry 15 ýyl öň, Gurbanguly Berdimuhamedowy häkimiýete getiren prezidentlik saýlawlary geçirildi. Şeýle hem 11-nji fewral prezidentiň ogly Serdar Berdimuhamedowyň batly syýasy ösüşiniň başlangyjy, onuň premýer-ministriniň orunbasary wezipesine bellenen günüdi. Türkmenistanyň prezidentiniň sanlaryň jadysyna berýän aýratyn ähmiýetini bilýän synçylar we ýönekeý türkmen raýatlary ýene bir möhüm kararyň kabul edilmegine garaşýarlar. Читать дальше...
Türkmenistanyň daşary işler ministri 26-njy ýanwarda we 27-nji ýanwarda Aşgabatda Hytaýyň, ABŞ-nyň we Russiýanyň baş ilçileri bilen aýratynlykda duşuşyk geçirdi. Türkmen DIM-niň metbugat gullugynyň habaryna görä, amerikan ilçisi Metýu Stiwen Klimou bilen duşuşykda ABŞ bilen Türkmenistanyň arasyndaky ikitaraplaýyn hyzmatdaşlyk meseleleri, umumy gyzyklanma döredýän sebitara we halkara meseleleri ara alnyp maslahatlaşyldy. Raşid Meredowyň Hytaýyň Türkmenistandaky Adatdan daşary we doly ygtyýarly... Читать дальше...
