Aşgabadyň Parahat we Gaudan etrapçalaryndaky köp gatly ýaşaýyş jaýlarynda ýyladyş ulgamlarynyň kadaly işlemeýändigini, jaýlaryň içiniň köplenç sowuk bolýandygyny Azatlyk Radiosynyň paýtagtdaky habarçylarynyň biri habar berýär.
Marynyň ilatynyň pensiýalaryny we kömek pullaryny almakda çekýän kynçylyklary dowam edýär. Azatlygyň habarçylarynyň maglumatlaryna görä, onlarça obanyň ilaty bankomatlarda nagt puluň bolmazlygy sebäpli noýabr aýy üçin geçirilen pullaryny alyp bilmän şäherlere gatnamaly bolýarlar.
8-njy noýabrda Türkmenistanda pagta plan borçnamasynyň ýurt boýunça doly berjaý edilendiginiň resmi derejede yglan edilmeginiň fonunda plany ýarpy ýerine ýetirip bilmedik kärendeçileri prokuratura derňäp başlady.
Aşgabadyň häkimiýetleri döwlet edara-kärhanalarynyň işgärlerinden welosiped satyn almak üçin pul ýygnaýarlar. Azatlyk Radiosynyň bu barada habar berýän paýtagtdaky habarçysy welosipedleriň Bitaraplyk güni mynasybetli geçiriljek ýörişler üçin satyn alynjakdygyny aýdýar.
Russiýanyň Döwlet Dumasynyň öňki deputaty Denis Woronenkowyň öldürilmegini planlaşdyrmakda güman edilýäniň aklawçysy ukrain paýtagty Kiýewiň günbataryndaky Žytomyr regionynda aw awlaýan mahaly öldürildi. Bu waka 10-njy noýabrda boldy.
Rumyniýanda geçirilen prezidentlik saýlawlarynyň deslapky resmi netijelerine görä, Ýewropa Bileleşigine tarapdar, iş başyndaky prezident Klaus Iohannis saýlawlaryň birinji tapgyrynda birinjiligi eýeläpdir. Merkezi Saýlaw Býurosynyň 11-nji noýabrda sesleriň 96%-niň sanalmagy netijesinde beren maglumatyna görä, häkimiýet başyndaky merkezi-sagçy Milli Liberal Partiýany goldaýan dalaşgäri Iohannis sesleriň 36.91%-ni alypdyr. Iohannis 24-nji noýabrda geçiriljek prezidentlik saýlawlarynyň ikinji tapgyrynda... Читать дальше...
Azatlyk Radiosynyň derňew makalasynda ady geçen, Hytaýyň Şinjiang sebitinden bolan telekeçi Stambulda atylyp öldürildi. Aýerken Saýmaitiniň ady Azatlyk Radiosynyň Gyrgyz gullugynyň Gyrgyzystandan $700 million möçberinde maliýe serişdesiniň bikanun çykarylandygy boýunça taýýarlan derňew makalasynda agzalypdy. Türk mediasynyň maglumatyna görä, Aýerken Saýmaiti Stambulyň Fatih etrabyndaky restoranlaryň birinde näbelli hüjümçi tarapyndan atylypdyr, soňy bilen-de keselhanada ýogalypdyr. Maý aýynda... Читать дальше...
Polşada Ukrainanyň Donbas sebitindäki dowam edýän konfliktiň weteranyny, Ukrainanyň milletçi toparynyň agzasyny ekstradisiýa edip etmezlik boýunça sud diňlenişiginiň 12-nji noýabrda başlanmagyna garaşylýar.Bu barada Ukrainanyň Lublindäki konsuly Artem Walakh 10-njy noýabrda žurnalistlere mälim etdi. Ihor Mazur 9-njy noýabrda Dorohusk-Jahodin serhet geçelgesinde polşaly serhetçiler tarapyndan saklanypdy. Ol aşa-sagçy milletçi UNA-UNSO toparynyň ýokary derejeli agzasydyr. Russiýa Interpolyň üsti bilen onuň tussag edilmegini sorapdy. Читать дальше...
Hong Kongda 11-nji noýabrda demokratiýa gymmatlyklarynyň tarapynda çykyş edýän protestçiler köçe-ýol hereketini böwetlediler. Şeýle-de, polisiýa protestçileriň biriniň döşüne atdy. Demonstrant häzir agyr ýagdaýda keselhana ýerleşdirildi. Protestleriň soňky tolkuny golaýda bir studentiň öldürilmeginden soň has-da möwjedi. Ýarym awtonom Hong Kong regionyndaky protestler mundan alty aý töweregi ozal, hökümetiň ekstradisiýa baradaky kanun taslamasyny ýatyrmagy baradaky çagyryşlar bilen başlandy we soňra talaplar giňäp... Читать дальше...
Pakistanyň Punjab welaýatynyň Rajanpur etrabynda polisiýanyň ulagyna edilen hüjümde azyndan bäş adam öldi. Pakistanyň resmileriniň sözlerine görä, 10-njy noýabrda polisiýa Arbi Tiba sebitinde jeňçi bolmakda güman edilýänleri saklamak üçin gelende, olara garşy ot açylypdyr. Polisiýanyň metbugat wekiliniň beren maglumatyna laýyklykda, hadysada iki polisiýa ofiseri, iki aňtaw ofiseri, şeýle-de maglumatçy öldürilipdir. Hüjümiň jogapkärçiligini bata-bat hiç kim öz üstüne almady. Şol günüň özünde... Читать дальше...
