Gazagystanyň dürli künjeklerinden gelen onlarça adam ýurduň häkimiýet başyndaky partiýasynyň baş edarasyna ýygnanyp, kazyýetiň özleri ýa ýakynlary baradaky nädogry kararlary hakda gürleşmek üçin wagtlaýyn prezidenti bilen duşuşmagy talap etdiler.
Türkmenistanda bu gün 4-nji iýunda Oraza baýramy bellenilýär.
Aşgabadyň bazarlarynda bazar administrasiýalary harytlaryň bahalaryny görkezýän nyrhnamalary asýar, ýöne satyjylar käbir harytlary görkezilen bahadan gymmada satýar.
3-nji iýunda giçlik Türkmenistanyň paýtagty Aşgabatda ýene güýçli ýagyş ýagdy. Azatlyk Radiosynyň Aşgabatdaky habarçylarynyň biriniň beren maglumatyna görä, güýçli ýagan ýagyş uzaga çekmese-de, gysga wagtyň dowamynda şäheriň köçelerini ýagyn suwlary basdy.
Türkiýe türki jemgyýetleriniň agzalarynyň, şol sanda Türkmenistanyň raýatlarynyň ýüz müňden gowragyna ýaşamaga ygtyýarnama we uzak möhletleýin ýaşamaga ygtyýarnama berdi.
ABŞ-nyň prezidenti Donald Tramp Britaniýa edýän saparynyň ikinji gününde premýer-ministr Tereza Maý bilen gepleşikleri geçirdi. Bu aralykda Londonyň merkezinde onlarça müň adamyň gatnaşmagynda Trampa garşy protestleriň geçirilmegine garaşylýar. Resmiler Tramp bilen Maýyň gepleşikleriniň dowamynda Hytaýyň maslahat edilendigini aýtdylar. Waşington täze 5G telekomunikasiýa torlarynyň ornaşdyrylmagynda Hytaýyň Huawei kärhanasynyň gatnaşdyrylmazlygyny gazanjak bolýar. Waşington Hytaý hökümetiniň muny... Читать дальше...
Türkmenistanda ykrar edilen daşary ýurtly ýokary okuw jaýlarynyň sanawy barada käbir düşündiriş çäreleri geçirilýär. Azatlyk Radiosynyň habarçylarynyň sözlerine görä, 1-nji iýunda Daşoguzyň welaýat bilim müdirliginde sanawlar we daşary ýurtlarda okaýan studentlere pul geçirmek temasyndan maslahat geçirilipdir. Bu ýygnaga käbir ýerli mugallymlar çagyrylypdyr. "Daşoguz welaýatynyň bilim müdirliginiň konferensiýa zalynda 1-nji iýunda mugallymlar bilen duşuşyk geçirildi. Bu barada resmi bildiriş bolmady... Читать дальше...
Hytaý demokratiki protestleriň gazaply basylyp ýatyrylmagynyň 30-njy ýyl dönüminde Pekiniň merkezindäki Tiananmen meýdançasyndaky howpsuzlyk çärelerini artdyrdy. Meýdança barýan käbir ýollar petiklendi we goşmaga barlag-gözegçilik nokatlary ornaşdyryldy. Hytaýda mundan 30 ýyl ozal basylyp ýatyrylan protestler barada resmi derejede hiç zat aýdylmaýar. Tiananmen meýdançasynyň daşynda polisiýa turistleriň şahsyýetlik dokumentlerini barlady. Daşary ýurtly žurnalistlere meýdança barmak we suratlary düşürmek gadagan edildi. Читать дальше...
Gyrgyzystanyň ozalky baş prokurory Aida Salýanowa 2013-nji ýylda ýurduň jenaýatçylarynyň esasy baştutanynyň möhletinden ir tussaglykdan boşadylmagy bilen ilteşikli tussag astyna alyndy. Kanunçykaryjy Almambet Şykmamatowyň Azatlyk Radiosyna beren maglumatyna görä, Salýanowa 3-nji iýunda Içeri işler ministrligine Aziz Batukaýewiň türmeden “bikanun ýagdaýda ir boşadylmagy” bilen ilteşikli soraga çagyrylanda tussag edilipdir. Şykmamatow Salýanowanyň deslapky tussaghana ýerleşdirmek meselesiniň sişenbe güni kesgitlenjekdigini aýtdy. Читать дальше...
Özbek prezidenti Şawkat Mirziýoýew musulmanlaryň mukaddes Remezan aýynyň tamamlanmagynyň öňüsyrasy onlarça tussagyň günäsini geçdi. Resmi maglumata görä, prezidentiň kararyna laýyklykda 361 tussagyň günäsi geçiler, 214-siniň hem türme möhleti gysgaldylar. Azatlyga goýberilenleriň altysy aýal we biri daşary ýurduň raýaty. Ýurduň ozalky prezidenti, 2016-njy ýylda aradan çykan Yslam Kerimow Remezan aýynyň tamamlanmagy mynasybetli hiç haçan günä geçiş yglan etmändi.
“Amnesty International” guramasy Eýranda adam hukuklary aklawçysyna 30 ýyl türme tussaglygynyň berilmegini we 111 gamçy urgusyna höküm edilmegini tankytlap, muny “bihaýa adalatsyzlyk” diýip atlandyrdy. Düýbi Londonda ýerleşýän gurama Amirsalar Dawudiýe çykarylan hökümiň “hopukdyryjy derejede gazaply” bolandygyny belledi. “Amnesty International” Dawudiniň 2018-nji ýylyň noýabrynda tussag edilendigini we şondan bäri Tähranyň Ewin türmesinde saklanandygyny aýdýar. 1-nji iýunda Dawudiniň aýaly... Читать дальше...