Germaniýanyň Drezden şäherinde 11 müňe golaý adam diri zynjyry emele getirip, Ikinji Jahan urşy döwri, ýagny 1945-nji ýylda ýaran güýçleriniň bu şähere amala aşyran hüjümleriniň 74-nji ýyl dönümini ýatladylar.
Guramaçylar her ýyl geçirilýän bu çäräniň parahatçylygy we raýdaşlygy alamatlandyrmak üçin geçirilýändigini bellediler.
1945-nji ýylyň 13-15-nji fewraly aralygynda britan we ABŞ uçarlary Drezdene yzygiderli howa zarbalaryny amala aşyrypdylar. Hüjümde şähere 3 müň 900 tonna golaý bomba oklanypdy. Hadysada 23 müňden 25 müňe çenli adamyň ölendigi çaklanylýar.
Çärä Wroslawyň, Polşanyň, şeýle-de Britaniýanyň Kowerty şäheriniň wekilleri hem gatnaşdylar.
