ABŞ-nyň Maliýe departamenti rus oligarhy Oleg Deripaska bilen ilteşikli üç kompaniýa garşy girizilen sanksiýalaryň aradan aýrylandygyny mälim etdi.
Bu ädime Demokratlaryň gözegçiligindäki ABŞ-nyň Wekiller Öýi garşy çykyp gelýärdi.
Maliýe departamentiniň ýaýradan beýanatyna görä, sanksiýalaryň aradan aýrylmagyna alýumin läheňi Rusaldan, onuň esas En+ kärhanasyndan we elektro-energiýa EuroSibEnergo kompaniýasyndan “Oleg Deripaskanyň gönümel ýa-da gytaklaýyn paýlarynyň kemeldilmegi, şeýle-de bu kompaniýalardan onuň gözegçiliginiň aradan aýrylmagy” sebäp bolupdyr.
Sanksiýalar ilki başda aprel aýynda girizilipdi. Emma munuň netijesinde, metalyň dünýä bazarynda tolgunmalar döräp, bu hem öz gezeginde ABŞ-daky we Ýewropadaky bizneslere täsirini ýetirip başlady.
Rusal dünýädäki iň iri alýumin öndürijileriniň biridir.
ABŞ-nyň administrasiýasy rus firmalary bilen, Deripaskanyň kompaniýalardaky gözegçiliginiň aradan aýrylmagynyň öwezine sanskiýalary togtatmak barada, ylalaşyga geldi.
ABŞ-ly tankytçylar prezident Donad Trampy, öwezine hiç zat alman, Russiýa köp eglişikleri etmekde aýyplaýarlar.
Tramp öz gezeginde ozalky prezidentlerden tapawutlylykda Russiýa babatynda berk syýasaty alyp barýandygyny aýdýar.
