Гуруҳе аз муштариёни "Тоҷпромбонк" мегӯянд, барои муроҷиат кардан ба Бонки миллии Тоҷикистон дар робита ба пасандозҳои худ мавриди фишори равонӣ ва таҳдид қарор гирифтаанд. Вале намояндаи расмии Бонки миллӣ ин иддаоро рад кард ва гуфт, ҳеч гуна бадрафторӣ бо ин шаҳрвандон сурат нагирифтааст.
Аз таваллуди Сотим Улуғзода, нависандаи номвари тоҷик, муаллифи “Достонҳои Шоҳнома”, романҳои “Восеъ” ва “Фирдавсӣ” 110 сол гузашт.
Аз таваллуди Сотим Улуғзода, нависандаи номвари тоҷик, муаллифи “Достонҳои Шоҳнома”, романҳои “Восеъ” ва “Фирдавсӣ” 110 сол гузашт. Ӯ қисмати қисме аз умрашро дар Маскав гузаронида ва баъд аз фирори писараш ба Бритониё муддате муқими Душанбе шуда буд. Баъд аз вафот ҷасадашро ба Душанбе овардаанд ва дар оромгоҳи “Лучоб” дафн шудааст.
Ҳомид Карзай, президенти собиқи Афғонистон ҳуҷуми "Толибон" ба Панҷшерро “тоза шудани захмҳои кӯҳна” хонда, аз ду ҷониби даргир хостааст, ки мушкилро аз роҳи гуфтугӯ ҳал кунанд.
Маблағи фиристодаи муҳоҷирон аз Русия ба кишварҳои собиқ Шӯравӣ имсол зиёд шудааст. Барои Тоҷикистон ин албатта хабари хуш аст, чун зиндагии даҳҳо оила аз пулҳои интиқолдодаи муҳоҷирон вобаста аст.
Коршиканӣ дар кони тилои "Покрӯд, ки зери назорати Чин аст.
Додгоҳи шаҳри Кӯлоб Суҳроб Раҳимов, муовини пешини раиси ин шаҳрро ба ҷарима маҳкум ва дар худи толори додгоҳ озод кардааст.
Вазорати корҳои хориҷии Тоҷикистон гуфт, ки дар як сӯҳбати телефонии рӯзи 2-юми сентябр дипломатҳои калони Тоҷикистон ва Бритониё – Сироҷиддин Муҳриддин ва Доминик Рааб вазъи Афғонистонро баррасӣ карданд, ки баъди 15-уми август аксар қаламравҳои ин кишвар, ба истиснои вилояти Панҷшер, зери назари гурӯҳи “Толибон” гузаштааст. Дар изҳороти ВКХ Тоҷикистон омадааст, ки “дар ҷараёни тамос ба мушкилоти Афғонистон ва рушди кунунии вазъи буҳронии ин кишвар таваҷҷуҳ зоҳир карда шуд”. Вазирони хориҷа инчунин оид ба масоили ҳамкории дуҷониба... Читать дальше...
Сафорати Ҷопон дар Душанбе эълон кард, ки дар Тоҷикистон бо сарфи даҳ миллион сомонӣ даҳ мактаб бунёд хоҳад кард. Дар хабарномаи сафорати Ҷопон, ки рӯзи 3-уми сентябр нашр шуд, гуфта мешавад, ин тасмим ба хотири таҷлил аз сисолагии истиқлолияти Тоҷикистон гирифта шудааст. Ба гуфтаи манбаъ, рӯзи 3-уми сентябр барои истифодаи 6 миллион сомонии ин кӯмакҳо расми имзои созишнома барпо шуд. Бар асоси ин маблағи ҷудошуда, дар вилояти Хатлон ва минтақаи Рашт мактаб бунёд мешавад. Сафорати Ҷопон гуфтааст... Читать дальше...
Дар паи коршикании якҳафтаинаи ҳудуди 40 коргари ширкати муштараки истихроҷи тиллои “Покрӯд”, воқеъ дар дараи Ромити Тоҷикистон, ки баъди аз кор ронда шудани як коргари тоҷик дар натиҷаи муноқишаву занозанӣ бо коргари чинитабор рух дод, коргари рондашуда дар кораш барқарор гардид.
Як мудири калони ширкати ҳавоии Ariana Afghan Airlines гуфт, ки рӯзи 3-юми сентябр парвозҳои дохилӣ дар Афғонистон аз сар гирифта мешаванд. Франс Пресс дар нақли қавл аз Тамим Аҳмадӣ менависад: “Мо аз Толибон ва мақомоти ҳавонавардӣ иҷозат гирифтем ва нақша дорем, ки имрӯз парвозҳоро шурӯъ кунем”. Рӯзи 2-юми сентябр телевизиони Al-Jazeera бо такя ба мақомоти соҳаи ҳавоии Афғонистон гуфт, ки парвозҳо дар масири дохилии кишвар аз рӯзи ҷумъа шурӯъ мешаванд, вале барои азсаргирии парвозҳо ба самти хориҷа “фурсат лозим аст”. Читать дальше...
Додгоҳи ноҳияи Калинини шаҳри Санкт-Петербург як зодаи 42-солаи Тоҷикистонро барои ду моҳ ба ҳабс гирифт. Ҷамшед Сулаймонов ба қатли як зани 39-сола ва модари ду фарзанд муттаҳам мешавад. Мақомоти тафтишотӣ мегӯянд, боздоштшуда, барои 20 ҳазор рубли русии қарзи додааш ин занро шоми 28-уми август дар маҳалли кораш - коргоҳи қаннодӣ нахуст буғӣ карда, сипас чанд зарби корд мезанад. Қотили эҳтимолиро аз рӯи сабти камераи мушоҳидавӣ ва телефонаш, ки дар маҳалии куштор афтодаву шикаста буд, муайян карданд. Читать дальше...
Марзбонони Узбекистон дар гузаргоҳҳои наздисарҳадӣ маълумономаи COVID-19-ро, ки дар Тоҷикистон дода шудааст, эътироф намекунанд. Дар ин бора бархе мусофирони тоҷик ба хабаргузории «Азия-Плюс» шикоят кардаанд. Онҳо гуфтанд, ба вақти гузаштан аз марз, сарҳадбонони узбек талаб мекунанд, ки бар ивази тақрибан 130 сомонӣ (наздики $ 12) дубора ташхис супоранд. Масъули Идораи санитариву эпидемиологии Суғд дар суҳбат бо хабаргузориҳо тасдиқ кардааст, ки чунин мушкилот як моҳ ба ин тараф ба миён омадааст. Читать дальше...
Мақомоти соҳаи тандурустии Тоҷикистон мегӯянд, дар шаҳри Душанбе нақшаи моякубӣ бар зидди COVID-19 тақрибан 92 фойиз иҷро шудааст. Вазорати тандурустии Тоҷикистон мегӯяд, то 31-юми август дар саросари кишвар беш аз 34 дарсади сокинони аз 18-сола боло ваксина гирифтаанд. Ба изҳороти вазорат, танҳо дар як ҳафтаи ахир тақрибан 118 ҳазор нафар алайҳи коронавирус ваксин зада шуданд. Ба қавли мақомот аз замони хуруҷи ин беморӣ ба кишвар беш аз 4 миллиону 760 ҳазор воя ваксинаи «Коронавак», AstraZeneka ва Moderna ворид шудааст. Читать дальше...
Президенти Тоҷикистон фармони даъвати тирамоҳӣ барои хизмат дар сафи Қувваҳои мусаллаҳро имзо кардааст. Тибқи фармон дар давоми моҳҳои октябр ва ноябри имсол ҷавонони соли таваллудашон 1994 то 2003 барои хизмат дар артиш сафарбар хоҳанд шуд. Ба раисони шаҳру ноҳияҳо ва комиссариатҳои ҳарбӣ дастур шудааст даъвати муташаккилонаи шаҳрвандонро ба сарбозӣ ба роҳ монанд. Даъвати навбатӣ дар шароитест, ки Тоҷикистон аз моҳи январи имсол хидмати алтернативиро ҷорӣ кард. Бино бар он, ҳар сол то даҳ дарсади ҷавонони синни хидмат ба артиш ҷалб шуда... Читать дальше...
«Толибон» мегӯянд, Чин бо ҳокимони нави Афғонистон равобити дипломатӣ барқарор мекунад ва баъди беруншавии нерӯҳои ИМА маъмурияти Толибон ба ёриҳои иқтисодии Пекин такя хоҳанд кард. Забеҳулло Муҳоҷид рӯзи 2-юми сентябр дар сӯҳбат бо нашрии итолиёии La Repubblica гуфтааст, ки Чин “шарики асосии” ин гурӯҳ дар амри пешгирӣ аз суқути иқтисод ва бозсохти кишвар мебошад. «Толибон» ҳукумати рӯ ба ғарби Афғонистонро шикаст дода, 15-уми август Кобулро ишғол намуданд. Онҳо ваъда додаанд, ки мавқеи муътадил ихтиёр намуда... Читать дальше...
Тӯфони “Ида”, ки дар манотиқи шимолу шарқии Амрико борону обхезӣ овард, ҳаёти камаш 41 нафарро аз байн бурд. Аз аёлати Мериленд то Ню-Йорк дар таърихи 1 то 2-юми сентябр беист борон борид. Аксари қурбониҳо афроде будаанд, ки ҳангоми обхезӣ дар мошинҳояш қарор доштанд ва ё дар табақаҳои поёнии биноҳо зиндагӣ мекарданд. Дар аёлати Ню-Ҷерси ва шаҳри Ню-Йорк камаш 12 нафар ба ҳалокат расидааст. Волии Ню-Ҷерси вазъи фавқулодда эълон карда, аз сокинон хост, ки хонаҳояшонро тарк накунанд. Хадамоти наҷот роҳҳоро пок намуда... Читать дальше...
Марҳилаи сеюми мусобиқаи интихобии қаҳрамонии ҷаҳон-2022 дар қораи Осиё рӯзи 2-юми сентябр оғоз ёфт. 12 дастаи беҳтарини қора, ки дар ин марҳила ба ду гурӯҳ тақсим шудаанд, бозиҳои даври аввалро анҷом доданд. Дар се бозии даври аввал дар гурӯҳи “А” танҳо як гол зада шуд - мунтахаби Эрон тими миллии Сурияро бо ҳисоби 1:0 мағлуб кард. Ду бозии дигари ин шашгона бо натиҷаи мусовӣ ва бидуни гол хотима ёфт: Кореяи Ҷанубӣ - Ироқ - 0:0 ва Имороти Муттаҳидаи Араб - Лубнон - 0:0. Дар гурӯҳи “В” мунтахаби... Читать дальше...
Хабаргузории “Рейтерс” бо такя ба чанд манбааш рӯзи 3-юми сентябр навишт, ҳаммуассиси “Толибон” ва раиси сиёсии ин гуруҳ Мулло Абдулғанӣ Бародар, ки ӯро як шахси нисбатан мӯътадил дар дохили ин гурӯҳи тундрав меноманд, раҳбари ҳукумати нави Афғонистон хоҳад шуд. Хабаргузорӣ гуфтааст, Мулло Муҳаммад Яъқуб, писари Мулло Умар, бунёдгузор ва раҳбари олии толибҳо, дар ҳукумат мақоми баланд хоҳад гирифт. Инчунин Шермуҳаммад Аббос Станикзай, узви дафтари сиёсии Толибон дар Давҳаи Қатар низ аз мансабдорони баландпояи ҳукумати “Толибон” хоҳад шуд. Читать дальше...
Чанд руз мешавад, ки дар Панҷшер даргириҳо миёни нерӯҳои Ҷабҳаи муқовимати миллӣ бо раҳбарии Аҳмад Масъуд ва ҷангҷӯёни гуруҳи Толибон идома дорад. Панҷшер ягона вилоятест, ки аз назорати Толибон берун мондааст. Ҷабҳаи муқовимати миллӣ бо раҳбарии Аҳмад Масъуд мегӯяд, ҳама роҳу ҷодаҳо, ки ба Панҷшер мебарад, дар ихтиёри онҳо қарор дорад ва ҳамлаҳои Толибон ба ноҳияи Шутул ба ақиб зада шуданд. Фаҳим Даштӣ, сухангӯи Ҷабҳаи муқовимати миллӣ шоми панҷшанбе ба Радиои Озодӣ гуфт, Толибон бисёр талош карданд... Читать дальше...
Иттиҳоди Аврупо (ИА) тасмим гирифтааст, барои ҳамсоякишварҳои Афғонистон, ки гурезаҳоро қабул мекунанд, 600 миллион евро ҷудо кунад. Дар ин бора расонаи "Financial Times" иттилоъ додааст. Ин маънои онро дорад, ки Брюссел ба Покистон, эҳтимолан ба Узбекистону Тоҷикистон ва ҳатто Эрони таҳримшуда кумаки молӣ кунад. Вазирони умури хориҷии 27 кишвари узви ИА 31 август барои баррасии вазъи Афғонистон ҷаласаи изтирориеро баргузор карданд. Дар поёни ҷаласаи шӯрои ИА афзоиши кумак ба кишварҳои севуме ваъда дода шуд... Читать дальше...
Вазорати сохтмони Русия бо ҷониби Узбекистон масъалаи интиқоли муҳоҷирони корӣ тавассути қатораҳои чартериро баррасӣ мекунад. Дар ин бора муовини вазири сохтмони Русия Никита Стасишин ба хабаргузории ТАСС иттилоъ додааст. "Мо нақша дорем, ки интихоб ва эмкунии муҳоҷирони корӣ дар Узбекистонро ба роҳ монда, онҳоро бо қатораҳо тариқи Қазоқистон ба сохтмонҳои Русия интиқол диҳем", - изҳор доштааст ӯ. Ба гуфтаи Стасишин, нақшаи интиқоли муҳоҷирон то охири соли равон коркард хоҳад шуд. Қаблан Вазорати... Читать дальше...
Ҳудуди 200 корманди ширкати нафткаши "Techno Trading LTD" дар кони Жетибойи вилояти Мангистауи Қазоқистон корпартоӣ мекунанд. Онҳо аз 27 август ба ин сӯ кор намебароянд ва баланд бардоштани маошу пардохти иловапулиҳоро талаб доранд. "Мо талаб дорем, ки маош то 300 ҳазор танга боло бурда шуда, иловапулиҳо бахшида ба ҷашнҳои Рӯзи нафткашон, Рӯзи истиқлол ва Иди Наврӯз пардохт карда шавад. Мо маоши кам мегирем. Маоши миёнаи мо 80-90 ҳазор танга аст", - мегӯяд корманди "Techno Trading LTD" Айбек Тажигалиев. Читать дальше...