Додгоҳи шаҳри Душанбе ба баррасии дубораи баҳс миёни Додситонии кулли Тоҷикистон ва як гуруҳ аз моликони биное оғоз кард, ки аз ҷониби наздикони Муҳиддин Кабирӣ, роҳбари Ҳизби ҳоло дар кишвар мамнӯи наҳзати исломӣ сохта шудааст.
Ширкати "Барқи Тоҷик" беш аз 800 нозирашро, ки охири ҳар моҳ барои ҷамъоварии пули барқ дари сокинонро мекӯбанд, аз вазифа озод кардааст.
Вилям Барр, додситони кулли Амрико дар як нишасти хабарӣ дар Вашингтон, ҷараёни ихтисори гузориш аз таҳқиқоти муфаттиши вижа Роберт Мюлерро шарҳ дод.
Мақомоти Кремл эълон карданд, ки Ким Ҷонг Ун, раҳбари Куриҷи Шимолӣ то 12 рӯзи оянда ба Маскав сафар мекунад. Дар баёнияи кутоҳи расмӣ аз рӯзи 18-уми апрел дар ин бора омадааст, ки Ким Ҷонг Ун бо даъвати раиси ҷумҳур Владимир Путин нимаи дуввуми моҳи апрел ба Русия меояд. Ба навиштаи баъзе аз расонаҳо, мумкин аст, Владимир Путин бо раҳбари Куриёи Шимолӣ дар шаҳри Владивосток дарр Шарқи Дури Русия ва наздик ба марзи Куриёи Шимолӣ мулоқот кунад. Баёнияи Кремл дар замоне нашр шуд, ки ҳукумати Доналд Трамп... Читать дальше...
Нишасти матбуотии Путин ва Раҳмон дар Маскав, эътирози фаъоли "Гурӯҳи 24" дар Майдони сурх, сел дар ноҳияи Файзобод, нигаронии сокини як бинои шаҳри Кӯлоб аз сохмтони маркази тиҷорат ва матолиби дигар.
Як шаҳрванди Амрико, ки соли 2002 барои ҷангидан дар сафи Толибон ба 17 соли зиндон маҳкум шуд, моҳи май озод мешавад. Қарор аст, Ҷон Волкер Линди 38-соларо рӯзи 23-уми май аз зиндоне дар иёлати Индиана раҳо кунанд. Дар санадҳои додгоҳ, ки ҳамин ҳафта нашр карданд, омадааст, Ҷон Линд ризоият додааст, дар се соли аввали озодӣ баъзе аз ҳаракатҳои ӯ зери назорат бошад. Ӯ ҳақ надорад, дар ин се сол видеоҳои дорои муҳтавои ифротгароӣ ва террористӣ дар Интернет тамошо кунад ва ё мақомоти интизомӣ ҳақ доранд... Читать дальше...
Баъзе аз сокинони Душанбе гуфтанд, ки бо нархи нави Интернет дар Тоҷикистон розӣ ҳастанд ё не.
Вазорати адлияи Амрико мегӯяд, нусхаи чопии таҳқиқоти Роберт Мюллер дар мавриди "дахолат"-и Русия дар интихоботии Амрико дар соли 2016, рӯзи 18-уми апрел дар ихтиёри умум қарор хоҳад гирифт.
Борони шаби 16-уми апрел сабаби боло рафтани оби рӯдхонаи Элок дар ноҳияи Файзобод шуд ва ба хонаву киштзори даҳҳо хонавода осеб расонд.
Боло бурдани нархи интернет, гуфтугӯи мобилӣ ва NGN аз тарафи ҳукумат, ба гуфтаи бисёриҳо, беэътиноӣ ба афкори умум ва гӯш надодан ба ҳарфи мардум дар Тоҷикистон аст.
Дар натиҷаи ҳамлаи ғофилгиронаи гуруҳе аз афроди номаълум ба як автобус дар Покистон 14 нафар кушта шудаанд. Мақомоти расмӣ гуфтанд, мардони мусаллаҳ рӯзи 18-уми мусофирони автобусеро, ки аз шаҳри Карочӣ ба Гвадар мерафт, аз автобус фаровардаанд. Сипас ба гуфтаи шоҳидони ҳодиса ному насабашонро пурсида, интихобӣ чанд нафарро куштаанд. Сабабҳои қатли ин афрод маълум нест. Зуҳур Буледӣ, як мақоми расмӣ дар Покистон ба Радиои Машъал гуфт, ки ҳодиса дар шоҳроҳи Макрон рух додааст. Касе то кунун масъулияти ҳамларо бар уҳда нагирифтааст... Читать дальше...
Вазорати адлияи Амрико гуфт, ки додситони кулл Вилям Барр рӯзи 18-уми апрел нусхаи ихтисоршудаи таҳқиқот дар бораи дахолати эҳтимолии Русия ба интихоботи соли 2016- ро нашр мекунад. Вилям Барр ва муовини ӯ Род Розенштейн, ки Роберт Мюлерро ду сол пеш муфаттиши вижаи таҳқиқ таъйин кардаанд, дар як нишасти хабарӣ дар ин рӯз дар бораи нашри таҳқиқот суҳбат мекунанд. Доналд Трамп, раиси ҷумҳури Амрико, ки пайваста таҳқиқоти Мюлерро танқид карда ва онро талош барои бадном карданаш номидааст, гуфт... Читать дальше...
Имоми пешини масҷиди "Хоҷа Нуриддин"-и шаҳри Тошканд Руҳиддин Фахриддинов рӯзи 16-уми апрел аз маҳбаси Чирчик ба зиндони сукунатии Зангиота бурда шуд. Фахриддинов ба ташкили гуруҳи ҷиноӣ ва сӯиқасд ба ҷони президенти нахустини Узбекистон айбдор аст. Ӯ ба 18 соли зиндон маҳкум шудааст. Раҳима Аҳмадалиева, ҳамсари Фахриддинов, гуфт, умед доштанд, ки шавҳарашро озод мекунанд. Вале мақомот ӯро ба маҳбаси сукунатии Зангиота фиристодаанд. Ба гуфтаи Абдуллоева, то поёни муҳлати ҷазои шавҳараш 4,5 сол мондааст. Читать дальше...
Дар шаҳри Нурсултон, пойтахти Қазоқистон, рӯзи 29-уми майи имсол ҷаласаи Шӯрои олии Иттиҳоди иқтисодии Авруосиё бо иштироки раҳбарони Русия, Белорус, Қазоқистон, Қирғизистон ва Арманистон баргузор мешавад. Ба иттилои нашрияи русии "Коммерсант", яке аз мавзуъҳои асосӣ таъсиси мақоми махсус - раҳбари фахрии Иттиҳоди иқтисодии АвруоСиё барои президенти пешини Қазоқистон Нурсултон Назарбоев хоҳад буд. Дар ҳоли ҳозир ин мақом таъсис дода нашудааст ва салоҳиятҳояш низ маълум нест. Танҳо метавон гуфт... Читать дальше...
Расонаҳои Куриёи Шимолӣ хабар доданд, ки артиши он кишвар "силоҳи идорашавандаи тактикӣ"-ро бо "кӯлоҳакҳои пуриқтидор" озмоиш кардааст. Ба навиштаи расонаҳо, озмоиш зери назорати роҳбари Куриёи Шимолӣ Ким Чен Ин сурат гирифт. Дар хабарҳои матбуоти он кишвар тақрибан ҷузъиёте аз ҷараёни озмоиш нашр нашудааст, аммо таҳлилгарон тахмин мезананд, ки гап дар бораи силоҳи тактикии баҳрӣ, ҳавоӣ ва заминӣ меравад. Ба иттилои Вазорати дифои Амрико, дастгоҳҳои иктишофӣ партоби мушакро дар Куриёи Шимолӣ мушоҳида накардаанд. Читать дальше...
Созмони Гузоришгарони бидуни марз дар гузориши солонаи худ гуфтааст, ки Тоҷикистон аз нигоҳи озодии баён ба минтақаи «сиёҳ» наздик мешавад.
Варзишгарони тоҷик дар мусобиқоти қаҳрамонии Осиё оид ба ҷудо, ки аз 20-ум то 23-юми апрел дар шаҳри Фуҷайраи Имороти Муттаҳидаи Араб баргузор мешавад, ширкат меварзанд. Ба иттилои Федератсиони байналмилалии ҷудо (IJF), дар мусобиқоти қаҳрамонии Осиё ширкати 286 варзишгар (мардону занон) аз 39 кишвар дар назар аст. Варзишгарон аз рӯи 14 дараҷаи вазнҳо – 7 вазн миёни мардон, 7 вазн миёни занон, инчунин қувваозмоии дастаии омехта барои дарёфти ҷоизаҳо ва имтиёзҳои олимпӣ талош мекунанд. Ба ҳайати... Читать дальше...
Дирӯз дар доираи даври дуюми бозиҳои Ҷоми КФО дар гурӯҳи “Д” дастаи “Хуҷанд”-и Хуҷанд “Дордой”-и Қирғизистонро бо натиҷаи 3:1 шикаст дод
Сарфи назар аз норозигии шадиди ҷомеаи шаҳрвандӣ аз қарори боло бурдани нархи интернет, аз 18-уми апрел арзиши интернет дар Тоҷикистон боло рафт. Мақомот мегӯянд, феълан имкони бозбинии он маълум нест.
Рӯзҳои 16-17-уми апрел бозиҳои ҷавобии даври чорякниҳоии Лигаи қаҳрамонҳои Аврупо баргузор шуданд. Чаҳор даста – “Барселона”, “Ливерпул”, “Тоттенҳем” ва “Аякс” ба даври ниманиҳоӣ роҳ ёфтанд. “Барселона”-и Испания дар бозии ҷавобӣ “Манчестер Юнайтед”-и Англияро бо ҳисоби 3:0 шикаст дод. Бозии аввал низ бо пирӯзии “Барселона” бо ҳисоби 1:0 хотима ёфта буд. Ҳамин тариқ, «Барселона», ки бо ҳисоби умумии 4:0 ғолиб омад, ба нимфинал баромад. “Ливерпул”-и Англия дар меҳмонӣ “Порту”-и Португалияро бо ҳисоби 4:1 мағлуб кард. Читать дальше...
Русия ният дорад, дар Тоҷикистон фаъолияти оҷонсии иттилоотии "Россия сегодня" - мубаллиғи сиёсатҳои Кремлинро боз кунад. Владимир Путин, раиси ҷумҳури Русия, рӯзи 17-уми апрел дар суханрониаш дар поёни сафари расмии президент Эмомалӣ Раҳмон ба Маскав гуфт, "нақша дорем, намояндагии "Россия сегодня"-ро дар Тоҷикистон боз кунем". Путин дар мавриди кай боз шудани намояндагии ин оҷонсии иттилоотӣ дар Тоҷикистон чизе нагуфт. Ин бори аввал нест, ки Русия талош дорад намояндагии ин оҷонсии иттилоотиро дар Тоҷикистон боз кунад. Читать дальше...
Сарфи назар аз норозигии шадиди ҷомеаи шаҳрвандӣ аз қарори боло бурдани нархи интернет, сар аз субҳи имрӯз 18-уми апрел арзиши интернет дар Тоҷикистон боло рафт.
Комиссияи олии интихоботии Туркия пирӯзии номзади Ҳизби мухолифи халқӣ-ҷумҳурӣ Акрам Имомоғлуро дар интихоботи шаҳрдории Истанбул эътироф кард. Дар ин бора хабаргузории Anadolu иттилоъ дод. Ҳизби ҳокими адолат ва рушди президент Раҷаб Таййиб Эрдуғон бори аввал аз соли 1994 ба ин тараф дар бузургтарин шаҳрҳо шикаст хӯрд. Ахиран Ҳизби адолат ва рушд ба Комиссияи олии интихоботии ин кишвар шикоят бурда, хостори бекор кардани ҳамаи натиҷаҳои интихоботи шаҳрдори Истанбул шуд. Муовини раиси ҲАРТ Алииҳсон Ёвуз гуфт... Читать дальше...
Равуо дар пойтахти Туркманистон мушкил шуд. Нақлиёти ҷамъиятӣ лабрези мусофир аст, таксиҳои расмӣ ба ҳама намерасанд ва таксиҳои шахсӣ, ки барои мардум дастрастар буданд, ҳамакнун нопадид шуданд. Давоми ду ҳафтаи охир дар шаҳр якбора шумори нақлиёти ҷамъиятӣ кам ва арзиши кирокашӣ боло рафт. Ин ҳолат ба рейди Бозрасии давлатии автомобилӣ (БДА)-и Ишқобод рабт дорад, ки даст ба кор шуд ва кирокашҳои хусусиро аз бозори нақлиёт берун кард. Дар ҳоли ҳозир автобусҳои ҷамъиятӣ ягона нақлиёте ҳастанд, ки ба ҳамлу нақли сокинони Ишқобод машғуланд. Читать дальше...
Владимир Путин, раиси ҷумҳури Русия, рӯзи 17-уми апрел дар поёни мулоқот бо президент Эмомалӣ Раҳмон дар Маскав аз саҳми муҳими кишвараш дар рушди бахши энержии Тоҷикистон сухан ронд. Ӯ гуфт, нерӯгоҳи "Сангтуда-1", ки бо сармоягузории ин кишвар бунёд шудааст, то 10 дар сади эҳтиёҷи Тоҷикистонро ба нерӯи барқ бароварда мекунад. Путин афзуд, айни замон Русия масъалаи содироти барқи ин нерӯгоҳ ба кишварҳои дигарро баррасӣ дорад. "Айни замон имконияти содироти барқи тавлидкардаи ин нерӯгоҳ ба кишварҳои севумро баррасӣ дорем", - гуфт ӯ. Читать дальше...
