Sirenat që u dëgjuan në pasditen e 31 korrikut në Komunën e Mitrovicës së Veriut sinjalizuan “rrezikun” për qytetarët në këtë komunë, e cila është e banuar me shumicë serbe. Sirenat e shqetësuan tej mase Milla Jankoviqin, banore e kësaj komune. “Më përkujtoi luftën. E çka tjetër? Unë e kam përjetuar një luftë”, thotë Milla Jankoviq dhe shtoi: “Kam qenë në qendër të blija qumësht, kur filloi alarmi. E dëgjova alarmin dhe thash, çfarë është kjo? U frikësova dhe fillova të vrapoj.... patëm stres të madh unë, burri dhe të gjithë ne”. Читать дальше...
“Liria e lëvizjes është e plotë dhe pikat kufitare Jarinjë dhe Bërnjak janë të hapura për qytetarët”, ka thënë ministri i Punëve të Brendshme, Xhelal Sveçla. Në një postim në rrjetin social Facebook, ai ka shkruar se barrikadat e vendosura nga strukturat ilegale serbe mbrëmë, 15 minuta pas lëshimit të sistemit të alarmit dhe të shpërndara në 9 lokacione të ndryshme në veriun e vendit, tashmë janë larguar plotësisht nga vetë ata. Ai ka thënë se me largimin e barrikadave dhe sigurimin e lirisë së lëvizjes... Читать дальше...
Presidentja e Komisionit Evropian, Ursula von der Leyen ka paralajmëruar se Evropa duhet të përgatitet për "situatën më të keqe" në lidhje me furnizimet me gazin rus. “Meqenëse Rusia tashmë ka ndërprerë plotësisht ose pjesërisht furnizimin me gaz për 12 vende anëtare të BE-së, ne të gjithë duhet të përgatitemi për situatën më të keqe”, tha Von der Leyen për El Mundo, gazetë në gjuhën spanjolle. Rusia ka pezulluar dërgesat e gazit në disa vende të Bashkimit Evropian. Ministrja e Jashtme gjermane... Читать дальше...
Republika e Kosovës jo rrallëherë ka aplikuar masa reciprociteti ndaj shtetit të Serbisë. Vendimet e fundit të Qeverisë së Kosovës për reciprocitet për targat dhe dokumentet serbe, janë në mesin e disa masave që ka aplikuar Kosova që nga shpallja e pavarësisë në vitin 2008. Masën e parë të reciprocitetit ndaj Serbisë, Kosova e kishte aplikuar në korrik të vitit 2011. Kjo masë në atë kohë ishte marrë nga ish-ministrja e Tregtisë dhe Industrisë, Mimoza Kusari-Lila, pasi që Serbia për tre vjet... Читать дальше...
Barrikadat e krijuara nga serbët në veri të Kosovës për të bllokuar pikat kufitare “nuk kanë qenë veprime, por reagime ndaj një vendimi të njëanshëm të Prishtinës”, ka thënë kryetari i Listës Serbe, Goran Rakiq. Rakiq, së bashku me drejtorin e Zyrës për Kosovën në Qeverinë e Serbisë, Peter Petkoviq, kanë mbajtur një konferencë të jashtëzakonshme për media në ndërtesën e Qeverisë në Beograd. Sipas tyre, në Kosovë janë shmangur konflikte në shkallë të gjerë falë, siç thanë ata, “politikës së mençur... Читать дальше...
Në Beograd më 1 gusht u konsitua Kuvendi i ri i Serbisë. Sot fillon afati 90 ditor për formimin e Qeverisë së re të Serbisë. Vazhdimi i seancës së Kuvendit është të martën, më 2 gusht, në të cilën do të zgjidhet Kryesia e Kuvendit. Kandidati për kryetar të Kuvendit është Vladimir Orliq nga Partia Progresive Serbe (SNS) në pushtet. Zgjedhjet parlamentare në Serbi u mbajtën më 3 prill. Kuvendi i Serbisë përbëhet nga 250 deputetë dhe koalicioni i mbledhur rreth Partisë Progresive Serbe (SNS)... Читать дальше...
Pas zotimit të Qeverisë së Kosovës për shtyrjen e zbatimit të dy vendimeve për reciprocitet me Serbinë, serbët lokalë në veriun e Kosovës më 1 gusht kanë nisur t’i zhbllokojnë rrugët drejt pikave kufitare mes dy vendeve, në të cilat kishin vendosur barrikada për të kundërshtuar masat e ekzekutivit kosovar.
"Lëvizjet e njëanshme dhe të papërgjegjshme të Albin Kurtit kërcënuan sigurinë e serbëve në Kosovë. Sipas Rezolutës 1244 të Këshillit të Sigurimit të Kombeve të Bashkuara, Serbia ka të drejtë të mbrojë sigurinë e serbëve në Kosovë", tha Milorad Dodik, anëtari serb i presidencës së Bosnje e Hercegovinës dhe lider i Aleancës së Social-Demokratëve të Pavarur. Dodik deklaroi në Twitter se "ne në Republika Sërpska mbështesim plotësisht dhe fuqishëm udhëheqjen e Serbisë në përpjekjet e saj për uljen... Читать дальше...
Kryeministri i Shqipërisë, Edi Rama, e ka quajtur aspak të arsyeshëm përshkallëzimin e situatës në veri të Kosovës, derisa i ka bërë thirrje presidentit serb, Aleksandar Vuçiq, “të mos ushqejë me asnjë lloj justifikimi grupe të caktuara në veriun e Kosovës”. Gjatë një konference për media me kryeministrin spanjoll, Pedro Sanchez, i cili po qëndron në Tiranë në kuadër të turneut në rajon, Rama tha se Qeveria e Kosovës “ka të drejtën dhe detyrën për të ushtruar sovranitetin territorial që buron nga një pavarësi në administrimin e shtetit”. Читать дальше...
Kryeministri i Kosovës, Albin Kurti, tha se janë gjithsej nëntë barrikada të vendosura në veri të Kosovës, siç tha “me njerëz të armatosur”, që mbrëmë sipas tij kanë ndaluar qytetarët dhe kanë shtënë me armë zjarri. Gjatë një konference për media, Kurti tha më 1 gusht se strukturat ilegale serbe në Kosovë po bëhen më agresive. “Janë gjithsej nëntë barrikada. Presim që gjatë ditës së sotme të hiqen të gjitha”, tha Kurti. Ai shtoi se barrikadat do të konsiderohen se janë larguar, vetëm kur të hiqen të gjitha. Читать дальше...
Në të gjitha pikat kufitare të Kosovës, deri në mesditën e 1 gushtit, janë lëshuar 1.501 dokumente për hyrje-dalje për qytetarët me shtetësi të Serbisë. Kështu bëri të ditur ministri i Punëve të Brendshme të Kosovës, Xhelal Sveçla, i cili shtoi se pikëkalimet kufitare në veri të Kosovës – Jarinjë dhe Bërnjak – vazhdojnë të jenë të mbyllura. Nga 1 gushti, Kosova ka nisur të lëshojë dokumente për hyrje-dalje për shtetasit e Serbisë. Këtë praktikë Serbia e aplikon qe 11 vjet për shtetasit e Kosovës. Читать дальше...
Ministri i Punëve të Brendshme i Serbisë, Aleksandar Vulin, deklaroi më 1 gusht se “muaji i ardhshëm duhet të shfrytëzohet për marrëveshje dhe diplomaci”, teksa komentoi bllokadat e vendosura nga serbët lokalë në veri të Kosovës. Sipas një njoftimi të Ministrisë së Brendshme serbe, Vulin porositi serbët në Kosovë se “nuk duhet t’i besojnë Prishtinës dhe duhet t’i besojnë Serbisë së tyre dhe presidentit Aleksandar Vuçiq”. Për më shumë detaje mund të informoheni në live blogun e Radios Evropa e Lirë. Читать дальше...
Shefi i diplomacisë së Bashkimit Evropian, Josep Borrell, ka ftuar në një takim në Bruksel kryeministrin e Kosovës, Albin Kurti, dhe presidentin e Serbisë, Aleksandar Vuçiq, konfirmoi zëdhënësi i bllokut, Peter Stano. Kurti dhe Vuçiq kanë marrë ftesë për vazhdimin e dialogut, ku do të diskutohet për të gjitha çështjet e hapura mes dy shteteve. Zëdhënësi i BE-së, Peter Stano, tha se edhe institucionet e BE-së, por edhe shtetet anëtare, po vëzhgojnë “me shqetësim” ngjarjet në Kosovë. “Çdo veprim... Читать дальше...
Më 1 gusht, kamionët që u vendosën nga serbët lokalë në fshatin Rudarë të Zveçanit, kanë nisur të largohen. Serbët lokalë më 31 korrik vendosën barrikada në dy rrugët që çojnë në pikat kufitare, Jarinjë dhe Bërnjak, që lidhin Kosovën dhe Serbinë. Rudarë gjendet pesë kilometra nga Mitrovica dhe nëpër të kalon magjistralja për në pikëkalimin e Jarinjës.
Kreu i organizatës për energji bërthamore të Iranit, Mohammad Eslami, tha më 1 gusht se Republika Islamike ka aftësitë teknike për të prodhuar bombë bërthamore. Por, ai tha se shteti nuk ka qëllime të tilla, raporton agjencia iraniane e lajmeve, Fars. Komentet e Eslamit janë të ngjashme me deklaratat e bëra muajin e kaluar nga Kamal Kharrazi, këshilltar i lartë i liderit suprem të Iranit, Ayatollah Ali Khamenei. Irani veçse pasuron uranium deri në 60 për qind pastërti. Kjo është përqindje... Читать дальше...
Në vendkalimin kufitar mes Kosovës dhe Serbisë, në Merdarë dhe te Dheu i Bardhë, pritjet e qytetarëve për hyrje dhe dalje vazhdojnë të zgjasin deri në tre orë. Në Qendrën Kombëtare për Menaxhim Kufitar raportohet se në pikën e kalimit kufitar në Merdarë, qytetarët që hyjnë në Kosovë po presin deri në 60 minuta, kurse për të dalë nga Kosova deri në 180 minuta. Kolona e automjeteve për të hyrë në Kosovë në këtë pikë është 250 metra e gjatë, ndërsa në dalje 1.000 metra. Në pikën tjetër kufitare te Dheu i Bardhë... Читать дальше...
Barrikadat e vendosura nga serbët lokalë në veri të Kosovës po vazhdojnë t'i mbajnë të bllokuara rrugët që çojnë në dy pikat kufitare me Serbinë – Jarinjë dhe Bërnjak. Serbët lokalë më 31 korrik vendosën në rrugë kamionë dhe mjete të tjera të rënda për të kundërshtuar dy vendime të Qeverisë së Kosovës që kanë të bëjnë me targat dhe dokumentet serbe.
Drejtori i Zyrës për Kosovën në Qeverinë e Serbisë, Petar Petkoviq, ka thënë më 1 gusht se në 24 orët e fundit kanë bërë të pamundurën “për të ruajtur paqen dhe stabilitetin” në komunat veriore të Kosovës. Ai ka thënë se janë realizuar përpjekjet e tyre pasi shtetet e Quint-it dhe Shtetet e Bashkuara i bënë presion kryeministrit të Kosovës, Albin Kurti, për të shtyrë vendimet për targat dhe dokumentet serbe dhe për gjetjen e një zgjidhjeje në Bruksel. “Po flasim me serbët e Kosovës dhe do të... Читать дальше...
Për shkak të krizës energjetike në botë dhe rritjes së çmimit të importit, Qeveria e Kosovës tha se ka miratuar masa emergjente për furnizim me energji elektrike. Sipas Qeverisë, masat e ndërmarra kanë për qëllim që të sigurojnë ngrohje gjatë stinës së dimrit. “Masa mbështetëse për qytetarët me qëllim të sigurimit të ngrohjes gjatë dimrit; Ndalimin e përdorimit të energjisë elektrike për mihjen e kriptovalutave; Mbështetjen e Operatorit të Sistemit të Transmisionit dhe Tregut (KOSTT) për të ndërmarrë... Читать дальше...
Bllokimi i rrugëve në veri të Kosovës po vazhdon për të dytën ditë me radhë, edhe pse Qeveria e Kosovës është zotuar se do të shtyjë vendimin për targat dhe dokumentet serbe, nëse hiqen barrikadat. Në mëngjesin e 1 gushtit, në Zupçë që gjendet në afërsi të Bërnjakut, dhe Rudarë në afërsi të Jarinjës, kamionët dhe mjetet e tjera po vazhdojnë të bllokojnë qarkullimin. Policia tha se rrugët që çojnë në këto dy pikëkalime kufitare që lidhin Kosovën dhe Serbinë, mbeten të bllokuara.
Në veri të Kosovës, në rrugët që çojnë në dy pikat kufitare me Serbinë – Jarinjë dhe Bërnjak – po vazhdojnë të jenë barrikadat e vendosura nga serbët lokalë. Këtë e konfirmoi për Radion Evropa e Lirë, zëvendësdrejtori i Policisë për rajonin e veriut, Besim Hoti. “Gjendja nuk ka ndryshuar. Situata është e qetë, nuk ka ndodhur asgjë. Barrikadat janë ende prezentë aty, por të shohim sot gjatë ditës se çfarë do të ndodhë pas vendimit që është marrë”, tha Hoti për REL-in. Aktualisht, në Mitrovicë të Veriut... Читать дальше...
Në Merdare, gjatë orës së parë të 1 gushtit, janë lëshuar dokumentet e para nga Ministria e Punëve të Brendshme e Kosovës për hyrje-dalje për qytetarët e Serbisë. Zyrtarët policorë nuk kishin marrë ende njoftimin zyrtar për shtyrjen e vendimit të Qeverisë së Kosovës për reciprocitet me Serbinë deri më 1 shtator. Dokumente të tilla do të vazhdojnë të lëshohen deri në largimin e barrikadave në veri të Kosovës.
Misioni i NATO-s në Kosovë, KFOR, ka thënë se është i përgatitur për të intervenuar nëse rrezikohet stabiliteti në veri të Kosovës. KFOR-i i ka bërë këto deklarata të dielën pasi serbët lokalë në veri të Kosovës kanë bllokuar me kamionë, dhe me mjete tjera, rrugët që çojnë drejt dy pikëkalimeve kufitare që lidhin Kosovën dhe Serbinë – Jarinjë dhe Bërnjak. Bllokadat janë krijuar një ditë para nisjes së zbatimit të vendimeve të Qeverisë së Kosovës që kanë të bëjnë me targat dhe dokumentet serbe. Читать дальше...
Në Merdare, disa minuta pas mesnatës, është lëshuar dokumenti i parë nga Ministria e Punëve të Brendshme e Kosovës për hyrje/dalje për një qytetar të Serbisë. Ministri i Brendshëm në Kosovë, Xhelal Sveçla, ka thënë se ky vendim do të vazhdojë të zbatohet “derisa të largohen të gjitha barrikadat dhe të sigurohet liria e lëvizjes së qytetarëve dhe mallrave”. “Në momentin e largimit të të gjitha barrikadave dhe pengesave, ky vendim do të pezullohet deri më 1 shtator 2022”, ka thënë ai përmes një postimi në Facebook. Читать дальше...
