Disa refugjatë grumbullohen afër kufirit serb
Disa persona kanë protestuar në kufirin mes Serbisë dhe Kroacisë më 26 dhjetor duke kërkuar vazhdimin e udhëtimit të tyre drejt Evropës Perëndimore.
Pasi policia dhe zyrtarët e Komisariatit për Refugjatë kanë shpërndarë protestuesit, disa migrantë kanë qëndruar tërë natën në pyjet e afërta.
Atyre u është ofruar ushqim dhe kujdes mjekësor nga organizata humanitare.
Më shumë se 4,000 refugjatë dhe migrantë janë duke jetuar në kampet e shtetit brenda Serbisë.
Grupet për ndihma humanitare kanë thënë se rreth 500 persona janë duke jetuar nën qiell të hapur, duke iu shmangur regjistrimit, me frikën se do të dërgohen në Maqedoni e më pas në shtëpitë e tyre në Afganistan apo Pakistan.