Shpërthim në Kabul, 40 persona të vdekur
Zëdhënësi i ministrisë së Brendshme në Afganistan ka thënë se sulmi vetëvrasës ka ndodhur brenda ndërtesës në pjesën perëndimore të Kabulit.
Rahimi ka thënë se kanë qenë edhe dy shpërthime të tjera në rrugë, jashtë ndërtesës, ku ishin mbledhur njerëzit për t’iu ndihmuar të lënduarve të shpërthimit të parë.
Një zëdhënës i talibanëve ka thënë se ata nuk e kanë kryer sulmin.
Ky është njëri nga sulmet e shumta që kanë pasur cak mediat afgane.
Komiteti për sigurinë e gazetarëve afganë dhe grupi për të drejtat e njeriut, Amnesty International, i ka bërë thirrje qeverisë së Afganistanit për të marrë masa parandaluese për të mbrojtur mediat në Afganistan.
Është thënë se gjatë vitit 2017 janë raportuar 73 raste të sulmit, apo rritje për 35 për qind në krahasim me vitin 2016.
Në muajin maj, militantët e grupit ekstremist, Shteti Islamik kanë marrë përgjegjësinë për sulmin në televizionin afgan në Jalabad, në të cilin janë vrarë gjashtë persona.
Militantët e IS-it po ashtu kanë marrë përgjegjësinë për një sulm në nëntor në një televizion në Kabul, në të cilin është vrarë roja e sigurisë dhe janë lënduar dhjetëra persona.
Presidenti Ashraf Ghani ka premtuar në sulmin e muajit nëntor se qeveria do të ndërmarrë “masa serioze” për të mbrojtur gazetarët.