د پاکستان په لوړو زده کړو کمېشن کې د افغان بورسونو (سکالرشيپونو) د څانګې مشر جهانزېب خان وزير وايي چې د جنورۍ پر ۲۵مه او ۲۶مه به له هغو زرګونو افغان زده کوونکو څخه ازموينې اخلي چې د دغه هېواد شاوخوا ۴،۵۰۰ بورسونو ته يې غوښتنليکونه ورکړي دي. نوموړي زياته کړه چې په افغانستان کې دننه به له زده کوونکو څخه په انلاين توګه او پاکستان کې له مېشتو افغان زده کوونکو څخه به په پېښور او کوټه کې په حضوري ډول ازموينې اخيستل کېږي. د وزير په وينا، بريالي شوي زده کوونکي به د روان کال په مارچ مياشت کې خپل درسونه پيلوي. له جهانزېب خان وزير سره بشپړ مرکه وګورئ.
