د سوات په کانجو کې د جنورۍ پر ۱۷مه زرګونو خلکو په سیمه کې د پوځي چاوڼۍ او نورو ودانیو د جوړولو ضد احتجاجي مظاهره وکړه. مظاهرهچیانو وویل چې پوځ د هغوی له خوښې پرته په کال ۲۰۱۷ زکې په زرګونو کناله ځمکه د چاوڼۍ لپاره نیولې وه، او اوس د کینټ په نوم نورې ځمکې نیسي. دوی وویل چې له دې سره به د هغوی د کرهڼیزو ځمکو کار بند شي او د دې سیمو خلکو ته به د تګ راتګ په برخه کې لوی مشکلات جوړ شي. دوی وویل چې دا اقدام ورته د منلو نه دی. د سوات ضلعي انتظامیه وایي چې حکومت څو کاله وړاندې پوځ ته د چاوڼۍ او کینټ جوړولو اجازه ورکړې وه او په هغه کار لا هم عمل روان دی. ویډیویي رپورټ
