د افغانستان له پوهنتونونو یو شمېر فارغ شوي کسان او د زده کړو د برخې ځینې فعالان د طالبانو د حکومت دې اعلان ته په اشارې سره چې وايي د دیني مدرسو زرګونو فارغانو او « دیني عالمانو» ته د لیسانس او ماسټرۍ سندونه ورکوي د اندیښنې وړ بولي. تازه د طالبانو حکومت د لوړو زده کړو وزارت اعلان کړی چې د ازموینو له اخیستو وروسته به د مدرسو ۲۶ زره فارغو زده کوونکو او «دیني عالمانو» ته د لیسانس او ماسټرۍ سندونه ورکړي.
