د پاکستان د سیند صوبې کروندګر وايي، د اوبو کموالي له وجې یوازې د کال څلور میاشتې فصل کرلای شي او پاتې وخت یې ځمکه شاړه پرته وي. په ورته وخت کې د کراچۍ اوسېدونکي وايي، له لیرې ځایونو څخه په بوشکو کې د څښاک اوبه کور ته وړي. د ملګرو ملتونو د خوړو او کرنې نړیوال سازمان وايي، په پاکستان کې په تېرو ۲۵ کلونو کې د ځمکلاندې اوبو کچه نیمايي ته ټیټه شوې ده. پوهان وايي، په نړۍ کې د وچکالۍ عمده لامل له اقلیمي بدلون سره تړلی دی. د اسوشيېټېډ پرېس اژانس له ویډیو جوړ رپورټ.
