د مرکزي اسیا هېواد قرغیزستان په تېرو لسیزو کې پرمختګ کړی دی خو شپانه یې وايي چې اوس یې هم ژوند د پلرونو او نیکونو په څېر تېرېږي. هغوی وايي چې د پېړیو پخواني دود له مخې، خپل مالونه هر کال په اوړي کې په غرونو کې ورشوګانو یا څړځایونو ته بیايي او بیا په مني کې د واورې ورېدو په پیلېدو کلیو ته ستنېږي. شپانه خپلې کورنۍ هم غرونو ته بیايي او ښځې یې هم په مال ساتنه کې مرسته کوي. هغوی وايي چې کار یې ډېر ستړی کوونکی دی او په باران کې یې مشکلات لا زیاتېږي. د مشال راډیو د خبرونو مرکزي څانګې له ویډیو جوړ رپورټ.
