شاه محمد له تېرو ۳۰ کلونو راهیسې د کراچۍ په سهراب ګوټ سیمه کې درزي (خیاط) دی او یوازې افغان دودیزې جامې ګنډي او په ځانګړي ډول کندهارۍ غاړې جوړوي. دی وايي، له پاکستانه د افغان کډوالو په ایستلو یې کاروبار خراب شوی دی او ګرانۍ یې مالي مشکلات لا زیات کړي دي. دا په داسې حال کې ده چې په پاکستان کې پولیس له تېرې میاشتې راهیسې د افغان سېټېزن یا وګړیتوب کارډونو لرونکو په اړه معلومات غونډوي او د سیند او پنجاب حکومتونه وايي چې پلان لري چې د اپرېل له نیمايي څخه د هغوی د ستنولو بهیر هم پیل کړي. ویډیويي رپورټ.
