انګلينډ د شل اورویزه کرکټ جام فاینل ته ورسيد
د نومبر پر لسمه د اسټراليا په ايډيلېډ کې شوې دې سیالۍ کې ټاس انګلينډ وګاټه او هند ته یې د بيټينګ کولو وويل. هند په شل اوورونو کې د شپږو لوبغاړو په اوټ کېدو ۱۶۸ منډې جوړې کړي. د هند لخوا هادريک پانډيا ۶۳ او ويرات کوهلي ۵۰ رنزونونه وکړل.
د انګلينډ کریس جورډن تر ټولو ډېرې ۳، عادل رشيد او کریس ووکس يوه يوه ويکټه واخیسته. د هند يو لوبغاړی د منډې وهلو په وخت اوټ شو.
د هند د ۱۶۸ رنزونو پوره کولو لپاره د انګلينډ لوبډلې مشر جاس بټلر او د هغه د بېټينګ د پيل ملګري ايلیکس هيلز تېزه توپوهنه وکړه. دوی په ۱۶ اورونو کې دا هدف پوره کړ. هېلز ۸۶ او بټلر ۸۰ رنزونه وکړل. انګلينډ به د پاکستان سره فاينل کوي.
په اسټرالیا کې د ۲۰ اووریزه کرکټ نړیوال جام سیالۍ د اکتوبر له ۱۶مې راهیسې روانې دي او ټاکل شوې چې پایلوبه یې د نومبر پر ۱۳مه وشي. دا لوبه په ميلبورن کرکټ ميدان کې کيږي.