له اوکراين سره د متحدينو د پوځي مرستو له اعلان وروسته روسيې پر کييف بريدونه کړي
یوه ورځ وروسته له دې چې د ملګروملتونو عمومي اسامبلې د یوه پرېکړه لیک په تصویبولو سره د روسیې لهخوا له خپلې خاورې سره د اوکراین د سیمو یو ځای کول غیر قانوني وبلل او د اوکراین متحدینو له کییف سره د نورو پوځي مرستو ژمنه وکړه.
له پوځي مرستو ژمنو وروسته سملاسي روسیې د اوکراین د پلازمېنې په سیمه کې پر اساسي بنسټیزو تاسیساتو او پر جنوبي ښار میکولاییف توغندویي بریدونو ته دوام ورکړ.
د دغو بریدونو د احتمالي تلفاتو په اړه تر اوسه راپورونه نهدي ورکړل شوي.
پر اوکراین د روسیي لهخوا د وروستیو راکټي بریدونو له تېزېدو سره د ملګروملتونو د ۱۹۳ کسیزې عمومي اسامبلې له څه باندې دوه برخه غړیو پرون چهارشنبې هغه پرېکړه لیک ته مثبته رایه ورکړه چې د مسکو له خوا د اوکراین د څلورو سیمو الحاق غیر قانوني بولي.
په عین حال کې د اوکراین د تماس د ډلې له څه باندې پنځوسو هېوادونو پرون په بروکسل کې اعلان وکړ چې اوکراین ته به د هوایي مدافعې ضد نوې وسلې او نورې پوځي مرستې ورکړي.