په مېکسيکو کې پوليسو د یهودانو د یوې سختدریځه فرقې "لېف طهور" يوشمېر غړي په یو حفاظتي مرکز کې اچول شوي دي. هغې فرقې ته د نجونو او ښځو په اړه د سختو محدودیتونو له کبله "یهودي طالبان" هم ویل کېږي. د لېف طهور (پاک زړه) په نوم په هغه ډله کې شاملې ښځې برقعې په سروي او د نجونو لپاره تر ۱۴ کلنۍ پورې حجاب او واده لازمي دي. د هغې فرقې منونکي خورا کم دي خو له نورو ټولو یهودانو ځانونه جلا ګڼي. د مېکسیکو چارواکي وايي چې د لېف طهور اسرایيلی مشر یې د منظمو جرمونو او د انسانانو د قاچاق په تور نیولی او په ډله کې شامل ماشومان او ښځې یې په یو حکومتي استوګنځي کې ساتلي دي. په دې اړه تفصیل د اسوشيېټېډ پریس اژانس له ویډیوګانو په جوړ رپورټ کې.
