د اوکراين پوځ دغه هېواد کې د روسي ځواکونو تر واک لاندې پول په توغنديو ويشتلی
دا په داسې حال کې ده چې اوکرایني چارواکو له روسي ځواکونو څخه د خرسون ښار د بېرته نیولو ژمنه بیا تکرار کړې ده.
د جګړې ښکېلو ډلو پرون وویل، دا پول د هغو لرې واټن ویشتونکو توغندیو په مټ هدف ګرځول شوی چې لویدیځ هېوادونو اوکراین ته ورکړي دي.
د روسیې یوه چارواکي ویلي، له بریده وروسته پر دغه پله تګ را تګ بند شوی دی، خو هغه د اوښتي احتمالي زیان په اړه څه نه دي ویلي.
پر دغه پله روسیي ځواکونو ته چې په جګړه بوخت دي، مهمات لېږدول کېدل.