د فنلنډ د وسله والو ځواکونو عمومي قوماندان وايي، هېواد یې له څو لسیزو پخوا څخه د روسیې احتمالي حملې ته چمتووالی نیولی او که پرې یرغل وشي نو په وړاندې به یې کلک ودرېږي.
جنرال تیمو کیونین دا خبره پرون وکړه او ویې ویل چې سکنډنیاوي هېوادونه له روسیې سره د مقاومت لپاره ډېرې وسلې لري.
پر اوکراین د روسیې د یرغل ۱۲۰ ورځې پوره شوې او ورسره دا وېره رامنځته شوې چې روسیه به پر فنلنډ هم برید وکړي.
