د مشال راډیو په اوونيزه خپرونه "د مشال مرکه" کې دا ځل د خيبر پښتونخوا پخوانی ګورنر انجينير شوکت الله خان مېلمه دي. نوموړی له قبايلي ضلعې باجوړ ناوګۍ سره تعلق لري او له ۲۰۱۳ز کال څخه تر ۲۰۱۴ز کال پوري د خيبر پښتونخوا ګورنر پاتې شوی وو. شوکت الله خان وايي، په خيبر پښتونخوا کې د فاټاد ورګډېدو خلاف نه دی خو د هغه په وينا څلور کاله تېر شول چې په دغو سيمو کې هيڅ پرمختيايي کارونه په نظر نه راځي. نوموړي دا هم وويل چې په قبايلي ضلعو کې د ۲۰۱۷ز پر شوي سرشمېرنې هم ژورې انديښنې لري. د خپرونې کوربه ګل اياز دی.
