پوځي چارواکي: اوکراين کې د روسيې پوځي مبارزه مخ په کمزوري کېدو ده
دغه چارواکي ادعا کوي، چې د روسیې پوځ د فبروري میاشتې پر ۲۴مه پر اوکراین تر یرغل وروسته خپل یو پر درېیمه برخه جنګي ځواک له لاسه ورکړی دی.
د ناټو د سرمنشي مرستیال میرچا جوآنا نن یکشنبه وویل، دا مهال په اوکراین کې د روسیې ظالمانه تهاجم خپل سرعت له لاسه ورکړی، خو د ده په وینا دوی پوهېږي چې د اوکراین زړور خلک او پوځ د ناټو په مرسته کولی شي په دې جګړه کې بریا خپله کړي.
جوآنا دغه خبرې په برلین کې وکړې، چې د ناټو مخکښ ډیپلوماتان له اوکراین څخه د نور ملاتړ لپاره بحث ته راټول شوي دي.
دغه مشران په ناټو تړون کې د فنلنډ، سویډن او نورو هېوادونو د غړیتوب پر موضوع هم بحث کوي.