یوناما یو ځل بیا له طالبانو د نجونو پر مخ د ښوونځیو د پرانیستو غوښتنه وکړه
یوناما پرون یکشنبې په یوه ټویټ کې ویلي چې مېرمن نودسن د پکتیا په مرکز ګردېز کې د طالبانو له والي مولوي محمد علي جان، د افغان ښځو، سوداګرو، د رسنیو، پوهنتونونو او د مدني ټولنې له استازو سره کتلي او ټینګار یې کړی چې د طالبانو چارواکي باید پر خپلو ژمنو عمل وکړي او د نجونو لېسې سمدستي بېرته پرانیزي.
د وري یا حمل په درېیمه چې په افغانستان کې نوی تعلیمي کال پیل شو، له شپږم ټولګي پورته نجونو ته بیا هم طالب چارواکو اجازه ورنهکړه چې بېرته ښوونځیو ته لاړې شي.
د طالبانو دغه اقدام د نړیوالو سخت غبرګون راپارولی او د طالبانو له سرپرست حکومتیې غوښتي چې سمدستي ټولې نجونې پرېږدي چې بېرته ښوونځیو ته لاړې شي.
طالبانو ویلي چې په دې اړه تر اوسه یوه طرح نهده بشپړه شوې.