د خیبر پښتونخوا په ګډون د پاکستان په شاوخوا ټولو برخو کې د تعلیمي ادارو د بیا پرانیستو لړۍ پیل شوې. سکولونه په نومبر کې د کورونا وایرس د زیاتېدونکو پېښو مخنیوي په موخه تړل شوي ول. د پاکستان د تعلیمي چارو وزیر شفقت محمود له اعلان سره سم، د جنورۍ پر ۱۸مه له نهمه تر ۱۲م ټولګي پورې ښوونځي او کالجونه بیا پرانیستل شول او نورې تعلیمي ادارې به په فبرورۍ کې پرانیستل کېږي. د سکولونو استادان وايي، د کووېډ-۱۹ ناروغۍ مخنیوي پر ټولو احتیاطي لارښوونو عمل کوي. ویډیويي رپورټ.
