د دې اوونۍ د "هارون باچا هنري ګړۍ" خپرونې مېلمه په پېښور کې د موسيقۍ يو استاد امانت شفقت عليخان دی. دی د موسيقۍ په "ګواليار" کورنۍ پورې تړاو لري او وايي چې وروڼه او د کورنۍ ټول ځوانان يې موسيقي کوي. د ده په خبره، د پښتو او اردو پشمول په شپږو ژبو کې سندره ويلی شي او ۲۱ سازونه غږوي. استاد امانت وايي چې د شاګردانو شمېر يې شاوخوا ۳۰۰ دی، چې له ده سندره ويل او د بېلابېلو سازونو غږول زده کوي. د نوموړي د ژوند او هنر په اړه بشپړه خپرونه واورئ چې پکې نغمې هم لرو.
د ناټو ايتلاف يوشمېر غړيو هېوادونو په داسې حال کې د اوکراينيو سرتېرو جنګي روزنه پيل کړې چې موسم سوړ شوی خو د روسيې او اوکراين جګړه لا هم توده ده. د اوکراین پوځ له روسیې سره د روانې جګړې په ترڅ کې د يو بل سخت ژمي لپاره تیاری نیسي. د اسوشيېټېډ پرېس اژانس له ويډيو جوړ رپورټ
د اسلام اباد پولیسو د خبریالانو مرکز مخې ته د لاریونوالو احتجاجي کیمپ ړنګ کړ او له هغه ځایه یې هم څو تنه ونیول. پوليسو ويلي چې مظاهرچیانو پر ۲۶م نمبر چونګۍ او داراز په ايوب څلور لاره کې "پولیس په کاڼو وویشتل" نو ځکه یې لسګونه کسان ونیول.
د اسلام اباد پولیسو د ماورای عدالت وژنو او بې درکیو پرضد یوشمېر بلوڅ لاریونوال نیولي دي. احتجاجیان چې د ډېسېمبر پر ۲۰مه اسلام اباد ته داخل شول نو پولیسو یې مخه ونیوله او بیا یې د خبریالانو مرکز مخې ته د هغوی احتجاجي کیمپ ړنګ کړ. د اسلام اباد پولیس وايي، په احتجاجیانو کې پټمخي کسان ول چې پولیس یې په کاڼو وویشتل او هغوی په غبرګون کې ونیول. د پاکستان د بشري حقونو کمېشن په ګډون فعالانو او غورځنګونو د بلوڅانو د نیولو او د هغوی د پرلت کیمپ ړنګول غندلي دي. احتجاجیان دعوه کوي چې امنیتي ځواکونه په بلوچستان... Читать дальше...
په چين کې د ټېکنالوژۍ شرکتونه د مصنوعي ځيرکتيا په مرسته کورنيو ته له خپلو مړو شويو خپلوانو سره د خبرو موقعې برابروي. شرکتونه د وفات شوي کس ويډيو، عکسونه او غږ اخلي او د کورنيو لخوا د ورکړل شويو معلوماتو پر اساس متن ورته جوړوي. له دې هر څه داسې مواد جوړېږي چې پر اساس یې، يو مړ شوی کس د خپلې کورنۍ له غړيو سره مخامخ د ويډيو له لارې خبرې اترې کوي. داسې ويډيو په ۲۰ ورځو کې جوړېږي او لګښت یې له ۱،۴۰۰ ډالرو څخه تر ۲،۸۰۰ ډالرو پورې دی. د فرانس پرېس اژانس ويډيو