Новости за 21.02.2021

د افغانستان جمهور رئیس محمد اشرف غني یو ځل بیا د موقت یا لنډمهاله حکومت له وړاندیزونو سره په کلکه مخالفت څرګند کړ.  ښاغلی غني وایي، نړیوال‌یې هره ورځ د نظام په پلوي خبرې کوي او په خبره‌یې تر هغو چې ژوندی وي، چاته به د موقت حکومت اجازه ورنه‌کړي. محمد اشرف غني پرون شنبه د وژل شویو امنیتي او دفاعي سرتېرو له یو شمېر کورنیو او د جګړې د لومړۍ کرښې له ځینو سرتېرو سره د خبرو پر مهال وویل، د موقت حکومت په اړه به د چا فشار ته تسلیم نه‌شي او د جمهوریت له نظامه به دفاع کوي.  ښاغلي غني زیاته کړه: "په دې... Читать дальше...

د کابل پولیس وایي، د دغه ښار په ختیځه دروازه کې یې هغه بار وړونکی موټر نیولی چې له وسلو او مهماتو ډک و. د کابل امنیه قوماندانۍ په یوه خبرپاڼه کې ویلي، دغه موټر کې چې پرون دوی ته په لاس ورغلی، ۲۰۰ میله بېلابېلې وسلې او د ځانمرګو واسکټونو ساچمې ځای پر ځای شوې وې. خبرپاڼه کې ادعا شوې چې دغه موټر له پاکستانه په قاچاقي ډول د ننګرهار له لارې د کابل تر دروازې رارسېدلی دی. پولیسو په همدې تړاو د نیول شوي موټر او په‌کې د بار وسلو انځورونه هم رسنیو ته لېږلي او زیاته کړې ده چې په دې قضیه کې یې د لاس لرلو په تور درې کسان نیولي دي.

د ایران دولتي رسنیو راپور ورکړی چې د اټمي انرژۍ نړیوالې ادارې مشر رافایل ګروسي تهران ته رسېدلی دی.  ایراني رسنیو ویلي چې ګروسي به د دغه سفر پر مهال د ایران د ملکي اټمي انرژۍ له مشر علي اکبر صالحي او د اټمي انرژۍ نړیوالې اداره کې د ایران له استازي کاظم غریب ابادي سره وګوري.  دا سفر داسې مهال کېږي چې ایران ویلي، که پر دوی بندیزونه لیرې نه‌شي، هېواد به‌یې اټمي بټیو ته د اټمي انرژۍ نړیوالې ادارې لنډمهاله پلټنه او څارنه بنده کړي.  د امریکا مخکېنی ولسمشر ډونالد ټرمپ ۲۰۱۸ کال کې د ایران له اټمي تړونه... Читать дальше...

د اوکراین ولسمشر پر هغو یو شمېر  پانګه‌والو او سیاستوالو د بندیزونو فرمان لاسلیک کړ چې د روسیې له ولسمشر سره اړیکه لري.  دا فرمان پرون شنبه د ولسمشر ولادیمیر زلنسکي له‌خوا یوه ورځ وروسته تر دې لاسلیک شو چې د اوکراین د ملي امنیت شورا په اتو کسانو او ۱۹ شرکتونو بندیزونه ولګول.  ځیني دغه کسان د روسیې اتباع دي.  په کیف کې د امریکا سفارت ویلي، د حاکمیت او ځمکنۍ بشپړتیا د ساتنې په برخه کې د اوکراین له هڅو ملاتړ کوي.  په هغو کسانو کې چې بندیز پرې لګېدلی ویکتور مدودچوک (Viktor Medvedchuk) او مېرمن‌یې هم شامل دي. Читать дальше...

د فبرورۍ ۲۱مه د مورنۍ ژبې له نړیوالې ورځې سره برابره ده. په افغانستان کې چې په رسمي ژبو، پښتو او دري هم په بشپړ ډول د زده کړو زمینه نه ده برابره، نو لږکي به څومره وکولی شي چې په خپلې مورنۍ ژبې لیکل او لوستل وکړي؟ ګل احمد، د بدخشان ولایت په یوې لرې پرتې سیمه کې ژوند کوي. دی وېره لرې چې یوه ورځ به یې مورنۍ ژبه چې شغناني ده، له منځه لاړه شي. هغه وویل: "اندیښنه دا ده چې که پاملرنه ورته و نه شي دا ژبه به له منځه لاړه شي، نو زموږ غوښتنه دا ده چې ښوونځیو کې درسي کتابونه په دې ژبه چاپ او تر دولسمه... Читать дальше...

کله چې د پاکستان له خپلواکۍ يو کال وروسته په ۱۹۴۸ز کال کې حکومت "اردو"د دې هېواد د يوازينۍ ملي ژبې په توګه اعلان کړه نو د هغه وخت په ختيځ پاکستان يا اوسني بنګله دېش کې ولس د دې ګام مخالفت وکړ او غوښتنه يې وکړه چې هلته زياته ويونکې ژبه "بنګالي" دې هم ملي ژبه وګرځول شي.