په پاکستان کې د کډوالو په اړه شته قوانینو، د کډوالو افغانستان ته د ستنېدو او په دې هېواد کې هغوی ته د شهریت ورکولو په اړه د بلوچستان په مرکز کوټه کې یوه سېمینار وشو. د غونډې برخوالو ویل چې په افغانستان کې د امنیت په راوستلو کې د دغه هېواد ي ګاونډي هېوادونو په تېره پاکستان ته مهم کردار اداکول پکاردی چې په پایله کې ټول افغانان په عزت سره خپل هېواد ته ستانه شي. ځینو برخوالو ویل چې په پاکستان کې زوکړي افغان کډوالو ته دې شهریت ورکړل شي. له کوټې د مشال راډیو خبریال ایوب ترین راپور.
