د اکتوبر پر ۲۲مه، په اسلام اباد کې د پاکستان د حکومتي دوکانونو (یوټېلېټي سټورز) سلګونه کارکوونکو د هغو دوکانونو د شخصي کولو امکان پر ضد مظاهره کړې. دوی مشال راډیو ته وویل، حکومت دې د دوی قراردادونه هم پاخه یا دایمي کړي. د پاکستان په دې حکومتي دوکانونو کې د ورځني استعمال شیان په ارزانه بیه خرڅېږي خو حکومت د اقتصادي ستونزو له کبله امر کړی وو چې دې دوکانونو ته دې د خرڅلاو شیان نه انتقالېږي. مظاهره کوونکي وايي، د خپلو حقونو لپاره اوږدمهاله احتجاجي ناسته کوي. ویډیو وګورئ.
