ترکیه کې د امریکا سفارت مخې ته پر امنیتي پوستې ډزې شوي

له انقرې څخه راپورونه وايي، نن سهار وختي دغلته د امریکا د سفارت مخې ته پر امنیتي پوستې ډزې شوې دي، خو امریکايي چارواکو ویلي دي، څوک په‎کې ژوبل شوي نه‌دي.


د ترکیې خبري اژانسونه وايي، له یو روان سپین موټر څخه چې د امریکا د سفارت د یوې امنیتي پوستې مخې ته په سرعت تېرېده، پر امنیتي پوستې د یوې لاسي وسلې څلور یا پنځه ډزې شوي.


په انقره کې پولیسو ویلي، دوی په پېښه کې د ښکېل موټر په لټون بوخت دي.


په ترکیه کې د لوی اختر د رخصتیو په مناسبت د امریکا سفارت په دې اوونۍ کې تړلی دی.